الحلقة 3

3224 Words

♡الأسيرة♡ بقلم/ندى محسن الحلقة الثالثه:- نهلة: ل.. يه خاطر بأبتسامه وهو مركز في ملامح وشها وارتباكها: عايز اتكلم معاكي بس تعالي نقعد نزل ونهلة وراه قاعدت على الكنبه وهو باصصلها ومبتسم خاطر: عايز اتجوزك يا نهلة تقبلي تتجوزيني نهلة بصتله بصدمه خاطر: تقبلي تكوني مراتي!؟ نهلة وقفت وعنيها لمعت بسبب الدموع اللي بقت فاقده السيطره عليها: انت بتقول ايه انت ايه اللي بتقوله دا يا خاطر انت متجوز وچوليا چوليا دي بتحبك خاطر: وايه يعني منا كمان بحبها والشرع حلل اربعه ولا نسيتي نهلة بدموع: الشرع..!!... دا الغطا اللي بتقنع نفسك بيه الشرع عشان بس تتسلى وتظلم البني ادمه اللي طالع عينها معاك اللي معتبراك كل حاجه ف حياتها بجد متستهلهاش خاطر بضيق: مع انه **رك بس لسه بتكابري انتي ايه نوعك ايه!. نهلة بدموع وضيق: غلطت لما وثقت فيك حقيقي غلطت... يمكن تعرف وتفهم انا مبت**رش جت تخرج سحبها من شعرها ولوى دراعها وهو ماسك شعرها جامد وباصصلها بجرأه خاطر: برضاكي او لا ملكيش غيري دلوقتي نهلة بعياط: بكرهك انت وامثالك وابدآ لو هموت مش هقبل بواحد زيك خاطر حضانها بتملك وهي زأته وض*بته بالألم وهي بصاله بدموع وق*ف اتعصب ورفع ايده وقبل ميض*بها لقى اللي مسك ايده سفيان بغضب وعصبيه: انت ايه اللي بتهببه دا خاطر بصله بقلق واتفاجأ من وجوده هنا وبص لنهلة نهلة ابتسمت بحزن من بين دموعها واتكلمت بعفوية: انت جيت... ساجي.. انا قولتلك اصحاب الطبقه دي هما اسوأ مما تتخيل... ساجي مشيني من هنا انا عايزه امشي عايزة ارجع مصر سفيان بصلها وبص لخاطر بتحذير: تعالي معايا خاطر: على فين يا ترى نهلة بدموع: اي مكان مفيهوش حد فكره محدود ومتخلف زيك يا خاطر سفيان سحبها بهدوأ وخرج شاور للسواق يمشي مع الحراس ومشي جنبها كان ساكت بيخ*ف النظر ليها من وقت للتاني خايف من ردت فعلها حالتها متسمحش انه حتى يكلمها ولو كلمها هيقولها ايه انا فرعون.!!..... هي دموعها نازله بضيق بتلعن حظها اللي رماها ف بلد غير بلادها ومع ناس غير ناسها ناس شايفاهم بس ماشيين ورا دماغهم هي اسيره ف عالم غير عالمها عالمها البسيط اللي من يوم وليله انهار عشان تصرف شخص معندوش اي رحمة.... سفيان اتن*د واخيرا اتكلم: ممكن تهدي!! نهلة بصتله بدموع: ممكن تساعدني انا عايزه اشتغل عايزه اسافر لأهلي عايزه ابعد انا ممكن اطبخ ف اي مطعم انا بعرف سفيان: طب ولو قصر ممكن!. نهلة: لا انا مش عايزه اشوف حد من الطبقه دي دول مبقوش اغنيه دول بقو اغ*يه سفيان بأبتسامه على برائتها اللي اول مره يقابل زيها: لا اطمني صحبته ست وكبيره كمان وزي العسل هتحبيها وبعدين فندق او مطعم معظمهم من نفس الطبقة دي نهلة: بجد يا ساجي هتساعدني بصتله بترقب وقلق: انت مش زيهم صح انا ممكن اثق فيك مش كدا!! سفيان ببراءه: تفتكري انا كدا نهلة هزت راسها بنفي: واثقه فيك عشان مش المره الأولى اللي تساعدني فيها بس صح.. ايه اللي جابك البيت سفيان: قلبي نهلة بصتله وبتلقائيه هو برق وبصلها بدهشه كأنها هي اللي اتكلمت وغصب عنها ضحكت على تعابير وشه سفيان ابتسم وف نفسه: قلبي؟!... انا؟!.. ايه اللي انا بقوله دا نهلة: هو دا القصر!! سفيان: اه نهلة: بس دا محتاج طباخين وخبراا لا لا انا منفعش سفيان: عندي ثقه فيكي يلا بقى تعالي دخلو وكارمن ابتسمت وسفيان غمزلها وهي فهمته عشان كان مفهمها انه اعجب ببنت ومش عايز يكشف شخصيته (كارمن) هي عمة سفيان وكارم عندها 40 سنه وعاذبه شيك جدآ ومن اكبر سيدات الأعمال بتعشق باريس لازم كل فتره تروح هناك نادرآ ما بتنزل مصر عايشه ف امريكا عشان معظم شغلها هناك حكيمه وبتفهم لغه العيون سفيان بيحبها وبيحب الكلام معاها وهي بتحبه ودايما بتلوم ابوه على عدم الأعتناء بيه وانه سبب عقد كتير ف حياته وبتحب مرتضى عشان هو ضمير سفيان رغم انه ضمير بايظ اصلآ بس بيمشي ورا قلبه اللي لغيه سفيان... عوده كأرمن:انتي جايه تشتغلي هنا نهلة:اه..طباخه كأرمن:تعالي خدتها للمطبخ وفهمتها هتشتغل ازاي سابتها وخرجت وسفيان على وشه ابتسامه مبهمه كارمن:اول مره يعني من زمن اشوف الأبتسامه الحلوه دي سفيان بصلها وضحك:ايه رأيك كارمن بشك:من ناحيه؟ سفيان:بسيطه اوي صح كارمن:حبيبي انا عمتك وبحبك واحب تكون سعيد لكن مش عايزة تمشي طريق وحش كارم بيمشيك فيه مفيش احسن من الصراحه سفيان:انتي ومرتضى ليه مش عايزين تفهموا ليه كارمن:نفهم ايه طيب؟انت معجب بيها!! سفيان بشرود:مش عارف مش عارف يا كوكي بس بس انا تايهه انا اتسببت ف جرحها كتير بس لقائنا الأول كان غريب حاسس اني خلاص من اول معيني جت ف عينها انا مسئول عنها!! كارمن بخبث:وانت من امتى بتحس يا سيفو سفيان:كوكي هنبتدي تحفيل كأرمن:وبعدهالك يا ابن رسلان سفيان:اهم حاجةمتنسيش فتحي مخك معايا كدا انا عامل التنظيف هنا كارمن:روح طيب اكنس ولا اعمل حاجه بدل منت واقف كدا اعملي شاي ولا امشي سفيان بضحكه غيظ:شاي ها على المطبخ ماله المطبخ حلو المطبخ جامد المطبخ كارمن ضحكت وهو راح لقى نهلة رابطه شعرها لفوق ولابسه مريله المطبخ وهو بيتأملها وبيفقد السيطره على مشاعره حاجةف حاجه نهلة انتبهتله وابتسمت:واقف من امتى سفيان:لسه جاي نهلة:عايز حاجة سفيان:كارمن..اقصد السيدة كارمن عايزه شاي نهلة:حاضر بدات تعمله وهنا دخل خدام القصر خبط ف سفيان وكان هيتلسع من الميه المغليه سفيان زأه وصرخ فيه بلهجه فرنسيه قاسيه:انت اتجننت يلا غور من هنا وتاني مره فتح هنا نهلة وقفت متسمره صوته نفس صوت فرعون حتى لو صدفه طريقته ولباقته اي خدام بيتعامل كدا؟!لحظتها اكتر وكانها لسة سامعة صوت فرعون لما اتعصب لما اتكبم بنفس اللهجة اللي كان بيكلمها بيها سفيان لاحظ وعرف هي بتفكر ف ايه:كارمن هانم ميعجبهاش الإهمال ابدآ قلق من تعابير وشها شايف خوف ارتجاف لدرجه انه حاسس بيها مش قادره تقف سفيان بقلق واضح:نهلة مالك انتي كويسه!! نهلة وقعت مغم عليها وسفيان بفزع حاول يفوقها وشالها طلع على فوق وهو متوتر وخايف مش عارف ليه حصلها كدا ايه كميه الخوف اللي شافها ف عنيها دي چوليا:حبيبي جيت امتى خاطر بصلها ببرود واتن*د چوليا بضيق من طريقته ومزجه المتقلب اللي ف ثواني بيتغير تجاهلته ونادت:نهلة يلا يا نونو انا جبت اكل معايا خاطر بنفس البرود وبنظره غل:مش هنا چوليا:يعني ايه مش هنا خاطر:مشيت چوليا بنرفزه:يعني ايه مشيت يعني ايه يا خاطر دي ملهاش حد غيرنا متعرفش غيرنا هنا...انت بتهزر؟ خاطر ساكت چوليا:هي راحت فين يا خاطر خاطر:سفيان خدها چوليا بعصبيه وانفعال:انت مجنون ازاي تسيبها...ومع مين مع فرعون ..دا ممكن يقتلها ازاي تسيبها للحيوان دا خاطر بشرود وغل:ميعرفش..ميعرفش انها هي نفس البنت اللي حاول يقتلها وهي بردو متعرفش چوليا بصتله بعصبيه على بروده وفتحت الباب وجريت على قصر ارسلان كارمن:دي نايمه متقلقش الواضح انها مجهده بس هروح على اوضتي اجهز الشنطه المفروض اروح على امريكا النهاردة سفيان مش منتبه لأي حاجه نظره بس على نهلة قلبه بيدق بقلق خايف اول مره يحس بالأحساس دا صوت جواه بيتكلم مخليه مش سامع غيره عمره مأمن بالحب من النظره الأولى امن بيه بس معاها لما من اول نظره حس ان قلبه المخنوق قدر يتنفس خايف يخسرها هي بسيطه فقيره متشبهش لعيله ارسلان من كل الجهات بس بالرغم من دا هو بيتشدلها بطريقه مش عاديه طريقه بتقول ان بينهم كتير...ولسه اللي جاي بينهم اكتر!! فاق من شروده صوت دوشه وزعيق نزل بسرعه قبل منهلة تفوق لقى چوليا بتتخانق مع الحراس بتحاول تطلع وهنا افتكر خوف نهلة وان خاطر كان هيض*بها واتعصب چوليا بعصبيه:هي فين سفيان ببرود:هي مين چوليا:نهلة سفيان بنفس البرود وهو بيحاول يبان طبيعي:وانتي عايزه منها ايه دا شيئ ميخصكيش چوليا:انت مالك بيها انت عارف انها قريبتي سفيان:وهي مش عايزه تبقى هناك چوليا من غير متفكر بعصبيه وصراخ:انا مش هسمحلك انا مش هسمحلك ابدآ تدمر حياتها تاني وانك تتسببلها في حاله انهيار هي لسه مفقتش منها وانك تموتها او تأذيها بأي شكل سفيان: تدمير ايه وانهيار ايه انتي ايه اللي بتقوليه دا چوليا: انت بتستهبل يا حيوان سفيان لوى دراعها جامد بعصبيه: اتكلمي انجزي ومتنسيش بتتكلمي مع مين مع سفيان ها.. سفيان ارسلان چوليا بألم وغل: وانا مش هسمحلها تبقى عندك بعد منجدناها منك سفيان بيزيد ف لوي دراعها: تقصدي ايه چوليا بألم وهي بتحاول تحبس دموعها: نهلة.. هي اللي انت حاولت تقتلها... بعد معذبتها بعد مض*بتها ض*ب يموت امرتهم يوم الحفلة يخلصوا منها ولا دلوقتي هتعمل نفسك بريئ سفيان سابها بصدمه سيطرت عليه چوليا: ايه اتصدمت انا مستحيل اسيبها لواحد زيك كفايه اللي حصلها لحد كدا سفيان بص على اوضتها واترسمت على وشه ابتسامه مبهمه متتناسبش مع الموقف وهمس: عرفت دلوقتي قلبي ماله.... چوليا بصت على مكان مبيبص وجت تطلع وقف قدامها وهي: يعني هي فوق ابعد سفيان بعصبيه: نهلة مش راجعه نهلة انا خدتها من الحيوان اللي اسمه خاطر كانت منهارة هناك اللي سمح لنفسه يتمادى معاها ولما رفضته كان هيض*بها چوليا بصدمه وانفعال: كذااب.. انت كداااب مستحيل اصدق واحد زيك انت عايز تقول ايه سفيان: انا معنديش حاجه اقولها اسألي جوزك صاحب الشأن وهو بنفسه يقولك چوليا مشيت بتوهان: خاطر.. مستحيل لا لا خاطر بيحبني سفيان جه يدخل الأوضه حط ايده على قلبه اتنفس جامد اتنفس بعمق وقف طلع تليفونه واتصل على مرتضى مرتضى ببرود: امممم افندم ءأمر سفيان: هتفضل عامل زعلان كدا كتير ولا ايه مش كفايه مرتضى: طول منت ماشي ورا كارم انا بعيد عنك وبعدين من امتى بتهتم اوي يا باشا وبعدين بردو انا فاهمك انا غلط انا بعرف بنات وبسهر وخاربها بس انك تدمر حياه واحده بالطريقه دي وتقتلها دا انت حالتك بتسوأ يا سفيان وبعدين اللي بعرفهم بيكون برضاهم سفيان اتن*د بيتنفس براحه محسش كدا من كتير من زمن حاسس انه خفيف: طب يلا تعالى بقى عشان للأسف هفرحك مرتضى بغيظ: انت تفرحنا انت دا انت بلاء انا ابتليت بيه ضحك: بقى كدا طب انجز ودقايق تبقى عندي مرتضى: انت كويس وبتضحك لا لا انت تتحسد سفيان بغيظ: طب غور بقى من هنا مش ناقصيين قر قفل ودخل لنهلة لقاها قاعده على السرير بإستغراب سفيان ابتسم: حمدلله على السلامة نهلة بصتله بغموض وبيتعاد قدامها ذكريات الأيام اللي فاتت Flash back سفيان سحبها بعنف وقفها وهو مثبتها ف الحيطه بأيده اللي بتخقها عشان تبطل تشتمه:انتي كل مبتتمادي كل مألمك هيزيد وكل محياتك هتنتهي بشكل ب*ع تعرفي اني بستحقرك اوعي لدرجة اني مفكرتش اقرب منك حاسس اد اي انتي قذرة واخاف توسخيني انتي عينة من زباله ملهومش قيمة نهلة بدموع بتحاول تبعد ايده ض*ب رجليها بعنف وقعها back نهلة اتنفضت بفزع سفيان بقلق: نهلة نهلة: س... سفيان.. فرعون نطقت اسمه بخوف وقلق بصتله وملقتش اي ردت فعل ودا خوفها اكتر خوفها بيتأكد سفيان بيقرأ تعابير وشها اللي كانت عباره عن رعب: ايوا انا هو سفيان.... نهلة اتنفضت بخوف وصوتت وهي مخبيه وشها بفزع بتترعش اعصابها فقدت السيطره على الثبات سفيان لسه هيقرب وقف لما شافها بتبعد وهي منهاره نهلة بأنهيار وخوف:لا ابعد عني ابعد عني متقربش ابعد انت ازاي هنا..ازاي انت سفيان شاف حالتها ودا خلاه اتراجع بقلق اتراجع بخوف عليها:انتي خايفه مني انا....انا ساجي...نهلة متخافيش..انا كنت بهزر...مين فرعون مين سفيان دا..... نهلة بصتله بدموع قلقها مخفش بس لو هو فعلاً مش هيكذب وليه هيكذب اصلا هو مفيش حاجة بتهمه بس فعلاً للحظات حست انه هو سفيان قرب ولحقها قبل متقع نيمها على السرير بقلق بندم على تصرفه وبندم اكتر انه وصلها للحاله دي سفيان بشرود:معقول اللي حسيته معاها شفقه!!..هي بالقوه اللي انا مكنتش اتخيلها هي كانت بتموت ومع ذلك هي قاومت وعاشت....ازاي هي ممكن تكون بالقوة دي!! مرتضى:اممم افندم نعم ءأمر سفيان بصله بشرود مرتضى:ايه اللي حصل بقى سفيان قعد على الكرسي:نهلة مرتضى بضيق:بردو انت ايه مبتحسش قاطعه سفيان:هي نفس البنت اللي امرت بقتلها يا مرتضى.. مرتضى اتنفض ووقف بتلقائيه:نععمممم!!....ازااااي امتى وفين!! سفيان رفع حاجبه:انت اهبل ياض بقولك هي..ايه بقى امتى وفين والهبل دا مرتضى:ايش عرفك انت مش يمكن بيهزرو ولا حد بيستهبل عليك عادل ومحي حراسك دول مبيهزروش هيسيبوها عايشه يا سفيان!! سفيان:مش عارف يا مرتضى بس..انا واثق انها هي واثق غموضها حزنها اللي عرفت سببه جروح راسها اول مقابلتها وكمان چوليا مش هتكذب وليه هتكذب وبعدين احنا عارفين ان چوليا غير الحيوان اللي عايش على نجاحها مرتضى:هي فين سفيان اتن*د بحزن:فوق محتاجه ترتاح اغم عليها لما بس شكت ان انا سفيان وانا اتراجعت اني اعرفها حاجة وحاولت امحي اي شك حاليآ هي مش واثقه ف حد غيري تخيل حظها؟ مش عايزها تفقد الثقه دي عايز اعرف ايه اللي حصل ازاي هي جت هنا معقوله هما جابوها طب حالتها!! مرتضى بلوم:الحقيقه عمرها مبتتغير يا سفيان ابعدها عنك احسن كفايه لحد كدا كفايه سفيان:انا لما شوفتها انجذبتلها لأول مره في حياتي ودلوقتي عرفت السبب قلبي حاسس بالذنب.. مرتضى بضحك:هو انت عندك قلب اصلا سفيان بغيظ:مش ناقص خفتك والنبي مرتضى:خلاص يا عم وانت ناوي على ايه بقى سفيان:المفروض ارجع ورايا شغل كتتيير ودلوقتي لوحدها بالذات بعد مخاطر كان عايزها وهي رفضته!! مرتضى بق*ف:جته داهية وهو بصراحه مبيتوصاش سفيان بتهكم:شوف مين اللي بيتكلم چوليا بصوت مهزوز:رد عليا ايه اللي حصل خلاها تمشي خاطر لف شاف علامات صوابع على دراعها:ايه دا؟!...ايه اللي عملهولك الزباله دا ازاي اتجرأ ومد ايده عليكي چوليا بتجاهل لكلامه:رد عليا يا خاطر انت عملتلها ايه..هو سفيان كان كلامه صح..... خاطر بعصبيه:محصلش حاجه چوليا:ايه اللي خلاها تمشي وتفضل انها تروح مع سفيان خاطر:قولتلك مفيش چوليا ابعدي عن دماغي چوليا:انت كداااب خاطر بنفاذ صبر:عرضت عليها الجواز وهي رفضت وبجحت چوليا بصدمه رجعت خطوتين حاولت تتماسك خاطر بعصبيه:مش انتي اللي اصريتي تجبيها مش انتي اللي عوزتي كدا چوليا بصتله بخيبه امل وقهر:يعني انا السبب خاطر:ايوا انتي السبب انتي عايزه ايه چوليا ابعدي عني الساعه دي چوليا دموعها اتحررت مكنش ليها سلطان عليها دقات قلبها مسببلها الألم وهو بصلها خاطر:ممكن تبطلي عياط چوليا بصتله وبروده وجعها اكتر لمت حاجتها خاطر:على فين چوليا بصتله بدموع:طلقني يا خاطر خاطر بصدمه:انتي اتجننتي ولا ايه چوليا بدموع:انا متجوزاك بقالي قد ايه سنتين عارف انت ايه اللي كان بيوصلني ها؟؟..تعرف ايه اللي كان طول السنتين كام واحد جه حاول يثبت خيانتك ليا وانا اللي دايمآ عاميه عن عيوبك عاميه بمزاجي عاميه بسبب قلبي اللي حبك اللي مسمحش اني اشوف اي عيب فيك بس الحقيقه يا خاطر اني مش عاميه انا مش عاميه يا خاطر انا شايفه كل حاجة وكنت راضية ومتعايشه مع كل عيوبك الا الخيانه الا هي خلاص خلتني تعبانه ببقى مش قادره استوعب انك مع واحده تانيه وانا مستنياك خاطر سحبها لأول مره تتحرر لأول مره تتكلم كدا معاه:انتي عارفه اني بحبك عارفه اني محبتش غيرك واني مبثقش في نفسي قد مبثق فيكي ومع اول عاصفه عايزه تتطلقي عايزه تبعدي عني..!.! چوليا بدموع ونرفزه:اول عاصفه كل يوم مع واحده شكل وتقولي اول عاصفه كل يوم خيانه وكذب وتقولي اول عاصفه...انت مصدق نفسك؟! خاطر حضنها:حتى لو كان كدا مفيش غيرك ف قلبي وبتسلى بس مش اكتر چوليا زأته بعصبيه ودموع:تتسلى؟. لما يبقى طالع عيني معاك مع البيت وبحاول ارضيك وانت على طول برا وترجع شارب ومتهبب لو اتكلمت لو عاتبتك لو انت مجرحتنيش بكلامك اللي زي السم بتض*بني اي واحده هتتحمل كدا!! خاطر بيحاول يهديها:حبيبتي...اهدي چوليا:تقدر تقولي ليه مش عايز تخلف مني ليه مانعني حتى اني اكون ام يا خاطر ليه خاطر:كلامنا في الموضوع دا انتهى چوليا بدموع وقهر:مكنش ابتدى عشان ينتهي يا خاطر.. خاطر بنفاذ صبر:ادخلي على جوه حالآ چوليا بصراخ ودموع:مش هبقى معاك انت خساره اني ابقى على ذمتك حتى يا خاطر خاطر ض*بها بالألم وهي حطت ايدها على خدها بألم وبصتله بدموع چوليا:مبقتش تفرق بس خلاص قلبي تعب من كتر منا مستحمله ودا كله ليه عشان ايه يخربيت الحب اللي يذل الحب اللي ميبقاش في ثقه ولا احترام وتقدير عدمه احسن من وجوده وانت هتندم اوي حقيقي هتندم مشيت تحت صدمة هو عارف انها قويه وناجحه بس عمره مفكر كدا افتكر انه خلاص ضمن بقائها لما عرف انها بتعشقه جه عليها كتير وكانت بتستناه يرجعلها بس المره دي كل حاجة اتغيرت ومش بسبب سفيان زي مهو فاكر ولا نهلة..نهلة بس كانت اشاره تسمحلها بالتحرر..كان فاكر انه فاهم الست ازاي يتملكها بس الحقيقه ان كل انسان ليه طاقه لما بيحس انه خلاص خلص طاقته مع الشخص الغلط اللي دايمآ بيجي عليه بيتحرر.. خاطر مسك الزهريه ورماها على المراية بعنف:سفياااااان حسابك تقل اووي معايا نهلة فاقت وخرجت شافت سفيان وسفيان لمحها بدأ يكنس وهي وراه بحيره سفيان لف وابتسم:لو عايزه تخرجي هخلص شغل ونخرج نهلة بصت لتحت بحزن:اسفه للي حصل انا بس كنت تعبانه شويه يا ساجي سفيان عايز يتكلم معاها عايزها تتكلم عايزها تخرج اللي جواها اللي خانقها:مين سفيان يا نهلة! نهلة اتنفضت من سيرته بخوف وبصتله وهو بص في عينها لمح دموع لمح الم وحزن سفيان بلع ريقه بتوتر:قريبك؟ نهلة انفجرت ف العياط بأنفعال:لا لا هو مش قاريبي دا واحد قذر معندوش اي رحمه واحد عديم المشاعر والضمير كنت بموت عنده وهو مرحمنيش كل يوم كان بيض*بني انا لو كنت مجرمه مكنتش هتعذب بالطريقه دي كان كل يوم ض*به بيزيد وض*ب مبرح كان بيسبني غرقانه في دمي من كتر الض*ب لحد مرماني ف الشارع وامر حراسه الكلاب اللي زيه بقتلي وهما سابوني في الشارع في البرد كانو شايفني بطلع ف الروح كانوا فاكرين اني خلاص بموت بس ساعتها جه خاطر ولولا چوليا اللي اصرت تاخدني كنت مت ودا بسبب الحقير سفيان بيتوجع من كل حرف بتقوله كأنه خنجر وبيعيد الطعن فيه مركز ف كل كلامها ندم انه سمع كلام كارم انه لازم ي**رها عشان غيرها ميتمردش عشان عماله مينقلبوش عليه ندم بس بعد اي بعد ممشي ورا شيطانه اللي معاه على هيئة بشر نهلة بدموع:هو ليه عمل كدا بعدني عن عيلتي ليه انا مأذتوش ولا عمري اذيت حد ليه خلاني ف التوهان دا خلاني غريبه ف العالم دا هو حتى مشفنيش هو بمجرد سمع عني اني اتعرضت لحراسه طب مهو هما اللي غلطوا هما ض*بو بابا بوحشيه عشان يسيب البيت دمر حياتنا عشان مصلحته عشان بس يبني فندق ومعملش حساب للناس اللي اتشردت انا بجد بكرهه بكرهه سفيان مركز ف تعابير وشها اللي كلها حزن وهو سببه نهلة بشرود:ساجي..تفتكر لو رجعت هياخدني..لا لا مستحيل لا مستحيل ياخدني انا بكرهه بكره الضلمه اللي رماني فيها ايام بكره كل حاجةف بيته سفيان قرب حاوط كتفها بحنان وابتسم بحزن على برائتها بيحاول يهديها وهي مسحت دموعها بحزن وبتلقائيه:انت مصدقني صح!. سفيان:صح نهلة:مش هتسيبني لحد منزل مصر صح مش هتسيبني لخاطر ولا لأي حد يستغلني لحد مرجع صح سفيان بنفس الأبتسامه الهاديه الحزينه:صح نهلة بإبتسامه:انت احسن شخص ف الدنيا صح سفيان الأبتسامه اختفت من على وشه:مظنش... نهلة بحنان:كفايه انك سمعتني يا ساجي كفايه هنا لمحوا دخول چوليا اللي عنيها حمرا من الدموع نهلة ابتسمت وجريت عليها ووقفت بتردد بتفتكر كلام خاطر چوليا بإبتسامة بتحاول تداري بيها دموعها:مش هتسلمي على اختك وصاحبتك نهلة ابتسمت بحزن واترمت ف حضن چوليا كارمن نزلت وهي شايله الشنطه وبسرعه سفيان خادها منها وهمس:بسرعه كدا كارمن بنفس الهمس:هشوفك قريب في خطوبتكم بقى يا ريت متطولش سفيان بصلها بتفاجأ وهز راسه بعدم تصديق چوليا كانت حاضنه نهلة الأتنين بيحاولو يدارو الامهم وبيعيطوا ب**ت سفيان:مظنش يا كوكي كارمن:حبيبي دي رقيقه وبسيطه اوي في نفسها ليه لا اوعى تمشي بعقل ارسلان ولا بكارم اللي واخد الدنيا عافيه حبيبي انت انجذبتلها متفكرش هي بنت مين ومنين فكر بس دي ايه وازاي سفيان:عمتي انا وحش؟ كارمن:انت اتحرمت كتير وبتعوض الحرمان حتى لو على حساب الدنيا كلها سفيان بلوم:اي حرمان دا انا اتدلعت دلع دا انا بأشاره اللي انا عايزه بيجي كارمن حطت ايدها على قلبه:دا اللي اتحرم يا سفيان حتى انا مكنتش معاك مكنش ينفع حتى ابقى دا كان وحيد محدش جنبه بس دلوقتي في فرصه يتخلص من وحدته بقى في حد عايز يبقى معاه حد يخرجه من الضلمه للنور حد يمدله ايده ابتسم وكارمن حضنته وهمست:رغم من انك مقولتش انك محتاج للأحتواء بس انا عارفه انك ف اكتر وقت محتاج تترمي ف حضن دافي مش شرط يا حبيبي طول الوقت نكون اقويه لازم في حالات ضعف بس الجدع اللي يهزم الضعف يا سفيان وانا واثقه فيك انا متجوزتش بس انت ابني احلا ابن في الدنيا احلا ابن في العالم سفيان ابتسم:رغم اني بشوفك من السنه للسنه بس انتي قادره ترجعيني للبر ف كل مره بحس اني هغرق كارمن ضحكت:منا سايبه معاك واحد مرتضى دا رزق ليك مع انه مجنون بس يلا عنده قلب شوية ضحك وودعها رجع لقاهم ف حضن بعض منهارين سفيان:مالكوا بس ايه اللي حصل هتفضلوا كدا؟ نهلة بعياط:هي بتعيط كتير يا ساجي سفيان:طب انتي بتعيطي ليه نهلة بصتله بحزن وهي منهاره ببراءه:هي مش بتسكت سفيان:چوليا اهدي چوليا في ايه اهدي عاجبك حالتها كدا نهلة بصتله اوي:انت ازاي عرفتها سفيان:ها..اه..اصل م...منا اه كنت بشتغل ف الفندق مش حاجه غريبه چوليا بتحاول تهدى وهي محاوطه وش نهلة:انا اسفه يا نهلة انا بجد اسفه يا نهلة انا غلطت لما امنته عليكي دا قذر انا خلاص سبته مش هقدر استحمل اهانه وخيانه وض*ب خلاص مبقتش قادره... نهلة ذاكرتها رجعت للأيام اللي فاتت جسمها بدأ يتشنج سفيان غمض عينه بوجع وفتح على صراخ چوليا:لا نهلة افتحي عينك نهلة افتحي ايدك ساعدني.....

Free reading for new users

Scan code to download app

App Store Google Play

Facebookexpand_more