الحلقة 5

2280 Words

♡الأسيرة♡ بقلم/ندى محسن الحلقه الخامسه:- عدى اليوم چوليا بتحاول تتماسك ونهلة حاسه بوجعها وبدموعها اللي بتحاول تداريها نهلة: چوليا.. چوليا: نعم نهلة: انا.. اسفه... لو مكنتش ظهرت في حياتك مكنش هيحصل كدا چوليا: عندك حق لو مكنتيش ظهرتي في طريقنا اليوم دا مكنش هيحصل كدا كنت هفضل عايشه معاه في كذب في وهم انه بيحبني العمر مش سهل يروح يا نهلة انا عمري محسيت معاه بالأمان وانه راجل ممكن يحميني عمره مجرب يحتويني او على الأقل يحترمني رغم اني مش جاهله وسيدة اعمال ناجحه بس هو بالنسبه ليه هو الراجل وانا تحت امره بدل موافقت اتجوزه ودي اكتر حاجه توجع الست لما تلاقي الراجل اللي بتحبه بايعها هي بالنسبه ليه ولا اي حاجة.... واصعب حاجة لما تحبي حد مش باقي عليكي نهلة كانت حاسه بيها دموعها نازله لكلام چوليا مش عارفه تعمل ايه وممكن تعمل ايه يخفف عنها وهي حاسه انها خسرت كل حاجة في حياتها!! چوليا بدموع:كان نفسي يقولي اي حاجه واللهي كنت هسامحه كنت عايزه اترمي ف حضنه يقولي انه ندمان انه نفسه ف طفل مني نفسي يقولي حاجات كتيره بس فجأه هو خيب املي يا نهلة خيب املي و**ر بخاطري... نهلة عماله تهديها ودموعها نازله:ربنا هيراضيكي يا چوليا ربنا هيقف معاكي عشان انا مشوفتش حد زيك ولا ف طيبتك وفي الفجر نهلة فاقت بفزع النور مطفي وچوليا مش ف السرير وهي مش شايفه حاجة وهي اترعشت بخوف صوتها اتخنق مش عارفه تتنفس وقفت بفزع بتخبط ف كل حاجه وهنا الباب اتفتح وشافت هيئه سفيان هيئه فرعون اللي شافتها وقت مكانت مسجونه عنده صرخت ووقعت ف الأرض حاوطت نفسها ودفنت وشها في رجليها بتهمس بخفوت:كابوس...اكيد كابوس چوليا...صحيني ارجوكي سفيان مسكها: اشششش اهدي نهلة نهلة اهدي بصيلي نهلة بتحاول تبعده وبتصرخ: ابعد عني انت عايز ايه مني تاني ابعد عني سااااجي ساااجي تعالى سفيان قلق وصوته اتهز بسبب حالتها: انا ساجي نهلة انا ساجي النور قطع مفيش حاجة ها مفيش حاجه سمعت خبطك جيت چوليا تحت ف حديقه القصر اهدي بقى ها اتنفسي بهدوأ نهلة بتعيط: ابعد عني لا انت مش ساجي لا ساجي شغل الكشاف ووجهه على وشه وقفله لما حس انها ممكن تقرأ حاجة في عينه لما بقت مركزة فيها نهلة بخوف ودموع:قفلته ليه انت سفيان:فصل شحن نهلة:عايزه اخرج خرجني من هنا بالله عليك انا بكره الضلمه بكرها سفيان مسك ايدها وهي اتنطرت لورا بخوف نهلة:ابعد عني ابعد عني انت ملكش دعوة بيا سفيان بحنان:لا متخافيش انتي مش هتعرفي تخرجي لوحدك نهلة بصتله بخوف وذكرياتها لما كانت مسجونه عند فرعون بتتعاد قدام عنيها وهي جريت لبرا وهي بتتخبط ف اي حاجه قدامها وقبل متقع من على السلم سحبها سفيان وهي شهقت بفزع سفيان:واقعه زي دي كانت هتأذيكي نهلة اهدي نهلة بعدت ايده:ابعد عني ملكش دعوة بيا ساجي متخلنيش افقد الثقه فيك متقربش سفيان بعد بحذر:اهو اهو اهدي بس اهدي نهلة صرخت بصوت عالي:چولياااا چوليااااا چوليا خرجت من الڤرندا جري عند نهلة بحذر ونهلة حضنتها بأنهيار چوليا بصت لسفيان:نهلة مالك حبيبتي ايه اللي حصل نهلة اهدي في ايه نهلة بأنهيار:متسيبنيش انا خايفه انا بكره الضلمه وهو خوفني هو حسسني كأني مع فرعون... چوليا خدت الكشاف من ايد سفيان بعنف وغضب وشغلته وهمستله:شغل النور دي هتموت من الخوف سفبان مشي بضيق وشغل النور وچوليا هدت نهلة وخرجت وقفت قدام سفيان چوليا بعصبيه:عجبك اللي حصل مبسوط سيادتك؟ كنت فاكر لما تعمل كدا هتخف هي من الرهبه والخوف اللي عايشه فيه سفيان:مكنتش اتخيل انها تخاف مني انا وبعدين اللي حصل ممكن تنساه انا عارف انه صعب والام جسمها وجروحها لسة مطابتش بس چوليا:سفيان انت صدقت نفسك!!انت فرعون اللي ف الطبيعي هتخاف منك سفيان:چوليا انا مش متحمل دلوقتي خليكي معاها ويلا خليها تجهز هنسافر چوليا ونهلة نزلو بعد مخلصوا لبس وسفيان ابتسم ونهلة كانت لابسه فستان طويل ومفتوح من الضهر سفيان ابتسم اول مشافها نهلة كانت باصه لتحت سفيان:الله ايه الجمال دا نهلة ابتسمت نص ابتسامه بخجل:هو مفتوح من الضهر بس... قاطعتها چوليا:معلش بقى هو لبسي كله كدا وانتي عوزتي الطويل نهلة فلتت شعرها علشان تداري ضهرها وهنا سفيان ابتسم اوي على شعرها الطويل والناعم وهمس:تؤتؤ انتي كدا زدتي جمال المفروض انتحر انا دا انا كدا وحش اوي نهلة ضحكت سفيان سرح ف غمازتها وابتسم:الله فينها دي من زمان نهلة بإبتسامه مرح:في خدي سفيان ضحك چوليا ابتسمت:يلا بينا بقاا شال الشنطه وركبهم العربيه وچوليا عماله تتلفت وراها ونهلة ملاحظاها لحد مخدت التليفون وطلبت خاطر اللي بعد تاني جرس فتح وضحكته رنت في ودنها خاطر بيضحك بسخريه:عامله زي القرش البراني بيلف يلف ويرجعلي چوليا سكتت بوجع خاطر:ايه متصله عشان تسمعيني سكوتك!! چوليا بوجع:مسافرة..... دلوقتى خاطر ضحك اوي وهي جزت على سنانها من بروده وبغيظ:عايزه اشوفك قبل مسافر روح دلوقتى على المطار قبل ميتكلم كانت قفلت سفيان كان سامع بس متجاهل مستني يشوف هتعمل ايه نهلة:ليه يا چوليا ليه كلمتيه چوليا :هو جرحني فاكر انه بس هو اللي عنده كرامه هو لسه ميعرفش يعني ايه كبرياء اللي كنت لغياه وانا معاه اللي كنت بتغاضى عنه واقول مفيش كرامه في الحب كنت فاهمه انه عادي يمد ايده عليا يشتمني بأهلي يهني عشان بس بحبه!! ليه مفكرتش انه لو كان بيحبني مكنش هيعمل كدا كأن القدر عمل كدا علشان ابعد عنه عشان تنجي عمري اللي كنت هدفنه مكنتش هتيجي فرصه زي كدا علشان اخلص... بس اللي واجعني كأنه كان واخدني فتره.. مرتب لكل حاجه حتى للطلاق! مهتمش للحقن اللي كان بيدهاني رغم انه عارف اني كان ممكن مكنش ام بعدها بس لا هو بس همه نفسه دا حتى مخلاش في نقاش ف الموضوع... عمري مهسامحه بقى صعب.. عشان كدا هشوفه اعرف ليه اتجوزني هحرقه بالنار اللي جوايا انا ابدآ مش ضعيفه مش هسكتله مش هسكت ومش هسيب حقي لواحد زيه انا هخسر ايه اكتر من اللي خسرته اللي يسيب حقه دا الضعيف وانا مش كدا كلام چوليا وجع نهلة هي قالته بتلقائيه قالته بتخرج اللي جواها بس نهلة اتوجعت هي سابت حقها عشان خافت سابت كل حاجة ومشيت عشان عارفه انها مش قد سفيان مش قد فرعون ابتسمت بحزن ودموع چوليا غمضت عنيها بألم : نهلة انا اسفه انا بجد مقصدش بس انا تعبانه انا تعبانه من كل حاجة وتايهه الفتره دي.. سفيان :يلا وصلنا السواق وقف وهما نزلو وخاطر كان وصل وباصص لسفيان بغل وسفيان حاوط كتف نهلة وبصله بتحذير ومشي نهلة:لا ساجي هنسيبها... هنسيبها معاه سفيان:لازم هي اللي تاخد الخطوه دي انا قادر امنعها بس لازم تتخطى المرحله دي وبعدين ميغوركيش چوليا مش سهلة چوليا وقفت قدام خاطر خاطر ابتسم بنصر:ايه اخيرآ عرفتي غلطك بس لا لا مش هسامحك بسهوله انك بتي برا البيت ومشيتي بعدم رضايا ممكن اعمل ايه بقى امممم.. اض*بك لحد مش*ه جسمك عشان مره تانيه تفتكري كل دا قبل متتحديني يا چوچو قرب وهمس:كل مهتفكري تبعدي تفتكري تش*ه جسمك زي مسفيان عمل مش عاجبك وجريتي في حضنه چوليا ض*بته بالألم بدموع وغل:انت ايه انت بني ادم مريض انت واحد مريض يا خاطر خاطر حط ايده على وشه بصدمه چوليا:عارف انت هنا ليه عشان اقولك انك كنت غلطان اوي الطفلة اللي انت استعبدتها خلاص يا خاطر خلاص اتغيرت بقت تتمرد عليك حتى لو هخنق قلبي ملعون الحب اللي يذل صاحبه يا خاطر... بس عايزه افهم لو انا رخيصه عندك اووي كدا ليه فضلت معايا ليه اتجوزتني اصلا ليه بني ادم قذر زيك وقع في طريقي لييييه خاطر بغل شال ايده من على خده وصوابعها معلمه عليه :واحده خدامه ليا لما بتخنق بفش غلي فيها من غير متقول بم ايه حد يقول للنعمه لا چوليا بق*ف ض*بته بالألم بكل قوتها:ازاي انا كنت عايشه معاك ازاي كنت عاميه للدرجه دي وعايشه مع مريض زيك يا خاطر مسألتش نفسك الخدامه اللي بتقول عليها دي ليه بتعمل كدا هاا واحده سيدة اعمال ناجحه بس عيبها ايه انها كانت ست بيت وعاملت جوزها كأنه حاجه نادره بس انت حاجه رخيصه وبني ادم خسيس وهتكتشف دا قريب مش متأخر خاطر:مش خاطر المنصوري اللي يندم يا چوليا وبعدين من اول يوم وخداني على كدا من اول جوازنا وانا كدا چوليا:اوعدك هتندم وهتشتاق وتتوجع عشان اللي بتقول عليها خدامه دي وساعتها الزباله اللي حواليك هتبغضك وتدور على النضيفه وساعتها انا اللي هبيعك يا خاطر رمت كلامها ومشيت غصب عنها دمعه اتمردت عليها ونزلت مساحتها بطرف صباعها **بت كرامتها وكبريائها... و**بت قلبها اللي افتكرت انها خسرته بس متعرفش ان من النقطه دي هتبدأ نقطه تحول لحياتها من بعد ما اتحررت ومبقتش اسيرة مشاعرها.... نهلة ابتسمت براحه لما شافت چوليا وسفيان غمض عينه بإعجاب لچوليا بانها عملت الصح وچوليا ابتسمت وفي الطياره نهلة قاعده من جوا وجنبها سفيان وچوليا الناحيه التانيه حاطه السماعات ومغمضه عنيها سفيان همس لنهلة:مالك شايفك متضايقه مش مرتاحه ليه نهلة كانت باصه من شباك الطياره وماسكه ف فستانها بخوف وبتترعش وسفيان فهمها :اول مرة تركبيها؟! نهلة:تاني مره بس اول مره مكنتش حاسه كدا يمكن عشان كنت تايهه بس هي ممكن تقع يا ساجي سفيان:تؤتؤ دي عليها اكبر شخصيات ومعانا سيدة الأعمال چوليا انصاري ايه بقى نهلة:كلامك كويس.. اه.. اه مش لازم اخاف سفيان مسك ايدها:ممكن لو عايزه تنامي على كتفي بدل متتشقلبي ودماغك تتخبط وتصحي نسياني وتلمي عليا الناس نهلة سحبت ايدها منه ورفعت حاجبها:على اساس اننا ف ميكروباص چوليا كانت مغمضه بتفتكر حياتها مع خاطر اخر سنتين وازاي ظلمت نفسها عشان بس وهم... وفي اللحظه دي حمدت ربنا انها مخلفتش لأنها كانت هتضحي بدافع الأمومه مر الوقت وناموا ولما وصلوا ونزلو ركبوا عربيه كانت مستنياهم وابتدت العربيه تقرب من قصر ارسلان نهلة خوفها بيزيد وسفيان لاحظ دا ودا خلاه يتراجع انه يحاول يقولها حاجه خادها على بيت بسيط وجميل وخبط على الباب فتحت سعاد ووراها رحمه وكانوا اتنين كبار في السن رحمه بفرح اترمت ف حضن سفيان:كدا بردو تغيب كل دا داخل على شهر محدش شافك سفيان:معلش يا داده والله كنت برا مشاغل سعاد :مشاغل طب خلي المشاغل تنفعك يا سلوفان سفيان حضانها بضحك وهو بيهمس:مش عيب بردو سلوفان قدام الضيوف وبعدين هو انا اقدر استغني حد يسيب الحنان دا كله سعاد بضحك وبنفس طريقه سفيان اللي واخدها منها:عيب وقله ادب وربايه ضحك ونهلة ضحكت سفيان:المهم بقى انا هسيبلكم امانتين رحمه:لا احنا اتكلمنا قبل كدا فلوس لا ومجوهرات لا احنا منضمنش يبني اعفينا من امناتك سفيان ابتسم:حاجه اغلى من كدا بكتير.. هسيبلكم نهلة وچوليا لازم تخدو بالكو منهم رحمه:ودول مين واشمعنا هيقعدو هنا وقصر! قاطعها بيغير الموضوع قبل متكمل كلامها:عشان انا وحيد مينفعش يقعدو معايا سعاد لاحظت نظراته لنهلة:الله دا باين في قصه جديده وحلوة يا ولاد سفيان بصلها:ها؟ سعاد بصت لنهلة:اسمك ايه يا ست الحلوين نهلة بأبتسامه:نهلة سعاد :ايه رأيك ف الواد دا نجوزهولك ولا هو اتفق خلاص نهلة ملامحها اتغيرت للضيق سفيان حب يغير الموضوع وضحك:سوسو هتموت وتخلص مني اهدي بقاا على البنيه هتكل انا مش هوصيكم سلام يا رحومه نهلة بصتله بلهفه:هتمشيي! .... اقصد... انا عايزه اهلي.. سفيان بحنان:هرجع بسرعه ووقتها هود*كي مشي ورحمه وسعاد ابتسموا ورحبو بيهم وطريقتهم حببتهم ف بعض وابتدوا يحضروا الأكل سوا كارم:حمدلله على السلامه يا بطل كل دي غيبه قولت هجرت متتخيلش اللي حصلنا يا سفيان سمعتنا بقت في الأرض يا ريتني مقولتلك تخلص على البت دي مبقناش عارفين نلم حد سفيان قعد براحة حط رجل على رجل:هو اسبوع ومكملتوش يا كارم لحقت الدنيا اتهدت كارم:اسبوع دا بيحصل فيه العجب واه صح سفيان:خير عايز تقول اي تاني كارم:نسمه رجعت مع غسان وابوك كان قاري فتحتكو وهي دلوقتي فوق ادي فرصه جتلك لحد عندك معندكش حجه بقاا سفيان:ومين بقاا غسان دا كارم بتوتر:ا.. هو.. اه ابوها صاحب ابوك سفيان ببرود:اممم.. . وقت تاني نشوفها دي وبعدين مين امر انها تطلع ولا تفضل هنا ولا هو بمزاجها وبمزاج سيادتك كارم:سفيان انا فهمك والبنت دي ابوك اخترهالك من زمان وهي انسب واحده ليك سفيان:سيبني في حالي دلوقتي ممكن!! كارم:لا مهو انت مش هتفضل كدا سفيان فكر شوية وابتسم بسرعه قام مشي كارم بغيظ:لا مهو انا مش هسيبك يا سفيان رحمه:الله الزيارات هتكتر اوي سفيان بضحك:وانا اقدر استغنى بردو رحمه ابتسمت سفيان:اومال فين نهلة سعاد:دي غريبه اوي مرضيتش تدخل اي اوضه مقفوله ودلوقتي هي فوق السطح؟ وچوليا معاها سفيان طلع وشافها قاعده ف الأرض دافنه راسها بين رجليها ومحاوطه رجليها بأديها چوليا قربت وهمستله:من ساعه ممشيت وهي غريبه خايفه من كل حاجة الأوض مش عايزة تدخل اي اوضة سفيان شاور لچوليا تنزل ووقف قدام نهلة وكح نهلة رفعت راسها بفرح ووقفت سفيان:الجميل ماله نهلة ابتسمت :متخيلتش تيجي بسرعه افتكرتك زهقت مني ومن اهتمامك بيا افتكرت انك خلاص هتسيبني وبعدين انا معرفش حد هنا كويسين بس معرفهمش طيب وقلقانة و سفيان حاوط وشها بحنان:تفتكري اقدر اسيبك تفتكري اني ازهق من ضحكتك اللي بتضحك قلبي وتخليه يرقص من الفرحه نهلة بتوتر:انا.. سفيان قاطعها:انا عايز اتجوزك يا نهلة تقبلي تتجوزيني نهلة اتصدمت وبعدت سفيان:نهلة نهلة:س... ساجي انت بتقول ايه ... بتقول ايه... مستحيل مستحيل يا ساجي... انا ماشية و.. و. متحاولش ابدآ ترجعني سفيان حس انه فعلآ هيخسرها:نهلة بصي.. انا رجعت واهلي عايزين يجوزوني لواحده وانا مبحبهاش على الأقل ساعديني واعملي انك مراتي نهلة:انا.. ساجي انا مش هقدر واهلي.انت عارف انت بتطلب اي اهلي هيقولوا اي انا مش عارفة هيصدقوا ان الحقير دا على رأي چوليا مقرب.... سكتت وبصتله وبعدت نظرها سفيان:نهلة وايه يعني المشكله هتبقى مجرد ورقه ولا اتجوزها نهلة بإندفاع:لا متتجوزهاش سفيان ابتسم وهي باصه لتحت:يعني هتساعديني نهلة:اه بس ساجي....دا جواز...انا مش عارفة انا م سفيان بحنان همس:ممكن تهدي الموضوع مش مستاهل ها اهدي ومتقلقيش سفيان طلع ورقه ومد القلم ليها:امضي هنا واب**ي وبعد*كي انا هخلص البيانات نهلة بصت للقلم وبصتله وعنيها مليانه بالدموع بتفتكر كلامها Flash back ريفال:واللهي نهلة:طبعا انا جوازي هيبقى مختلف هيبقى خيال يا بنتي هو حد يطول يتجوز نهلة سراج ريفال ضحكت :واللهي هنستنى نشوف ست نهلة back نهلة عيطت غصب عنها ومسكت القلم وسفيان حاسس بخنجر بيطعن ف قلبه سفيان ف سره:واللهي مهسمح بألم يا نهلة ليكي مش عايز اشوف غير ضحكتك انا عارف ان مفيش اي بنت تتمنى تتجوز بالطريقه دي بس وعد هعوضك عن كل سوأ نهلة مضت وانهارت ف العياط وهو حس ان مفيش اي كلمه ممكن تخفف عنها مسح دموعها وهي بصاله وبعدت ادتله ضهرها وهو انسحب ومشي وعلشان مكانته حول الجواز لوثيقه رسميه بشهود چوليا:طب هو قال حاجه زعلتك ليه بتعيطي كدا نهلة بدموع :لا چوليا:طب مالك طيب نهلة ابتدت تتشنج بألم وترجع چوليا:لا انتي لازم تروحي المستشفى تاني مره ترجعي لازم اطمن عليكي نهلة بصتلها بتعب وهي بتفقد وعيها ورحمه وسعاد جريو ساعدوا چوليا ينقلوها للتا**ي وهنا حراس سفيان اللي كانو مأمورين بقتلها شافوها محي:يا خبر اسود... دي لسه عايشه... الحق البت دي عادل:فرعون لو عرف يبقى خلاص انتهينا محي :لازم نخلص منها بسرعه وراها يلا جري وعادل وراه:انا اللي هتصرف معاها ونهايتها تبقى على ايدي (ابتسم بخبث)والله والتقينا تاني يا عسلية

Free reading for new users

Scan code to download app

App Store Google Play

Facebookexpand_more