ILANG BUWAN pa ang matulin na lumipas. Walong buwan na rin ang tiyan ni Evette, ilang linggo na lang ay mag sisilang na sya sa unang anak nila ng kanyang pinaka mamahal na asawa.
Araw ng check-up ni Evette sa kanyang OBGYN, kaya naman maaga silang nag handa na mag-asawa. Lagi namang naka alalay si Alfie, sa kanyang asawa. Napaka laki na din ng tiyan nito at halos hindi na maka kilos. Kahit mag suot ng sandals ay si Alfie na ang gumagawa, para kay Evette. Hindi na kasi makita ni Evette ang kanyang paa, dahil sa laki ng tiyan nito. Nang maipa suot na ni Alfie ang sandals sa kanyang asawa ay ina-lalayan naman nya ito upang makatayo.
Hanggang sa maka sakay na sila sa kotse ay naka alalay pa rin si Alfie. Kulang na lang ay buhatin nya ang kanyang asawa, dahil naaawa sya sa kalagayan nito.
