Palabas na ng SALVADOR LAW FIRM sina Alfie at Santie, nang maalala ni Alfie, na kailangan pala nyang dumaan sa palengke, upang bumili ng Hipon.
"Kuya, punta muna tayo sa palengke. Kailangan ko kasing bumili ng sariwang hipon na isisigang ko para kay Evette. Iyon kasi ang pinag lilihian nya eh." wika ni Alfie, sa nakaka tandang kapatid.
"Sige, brod, para maka pag ikot-ikot na rin ako. Ang tagal ko din nawala dito sa lungsod, kaya ngayon ay parang bago na ang lahat sa akin." sagot naman ni Santie.
"Bakit kasi hindi ka man lang umuwi noon, kuya? talagang tiniis mo kami ni Mamang, na hindi makita." parang may pag tatampo na wika ni Alfie, sa kapatid.
"Mahirap kasi maka uwi, brod, lalo at nasa liblib na lugar ako naka distino noon. Mabuti nga at na aprobahan na ang request kong malipat
