Matapos naming ikasal ay nagbiyahe na kami kinabukasan patungo rito sa may Zambales.
Ayon kay Seb ay ito na muna ang honeymoon namin sa ngayon at saka na lang daw kami lalabas ng bansa kapag nakapanganak na ako.
Walang pagsidlan ang kaligayahang nadarama ko kaya sa Diyos ay labis na pasasalamat sa lahat ng biyayang ipinagkaloob Niya sa akin matapos ng ilang taong paghihirap sa buhay ko.
"I love you, Baby!" malambing na bulong sa akin ni Seb kasabay nang paulit-ulit nitong paghalik sa nililipad kong buhok ng hangin.
Nakasandal ako sa ibabaw ng kaniyang dibdib habang tinatanaw namin ang magandang tanawin ng karagatan.
"Salamat, Seb..." madamdaming usal ko sa kaniya.
Hindi ko alam kung bakit, pero gusto ko lang talagang ibulalas ang mga salitang iyon sa kaniya.
"Huh?" Ipinaharap niy
