CRAZY IN LOVE WITH HER

20 years before... Naisipan niyang lumabas muna sa kanila bahay dahil naiinip siya sa loob. Ang kambal niyang si Jamiel ay abala sa pag-aaral nito sa library nila samantala siya naman ay wala naman siya alalahanin kasi likas na siya matalino. Hindi sa pagmamayabang pero pinanganak siyang may mataas na IQ at ganun din ang kakambal niyang si Jamiel. Pareho sila naaaccelerate kaya sa edad nilang siyam na taon nasa sekondarya na sila. Yung nga lang sadyang masipag lang sa pag-aaral ang kakambal niya si Jamiel. Tinawid niya ang patio ng bahay nila at naisipan niyang maglakad-lakad. Pareho wala ang magulang nila dahil sa kani-kanilang trabaho. Ang Mama Amelia niya busy sa kabubukas lang na ospital na pinatayo ng Papa Dave niya para sa Mommy niya. Napangiti siya. Kahit nagkaanak  na ang mga ito nakikita pa rin nila na in love na in love pa rin sa isa't-isa ang mga ito. Bigla siyang natigilan sa paghakbang ng makita may isang lalaki sa kabilang kalsada. Abala ito sa skate board nito sinusubukan na ibalanse ang sarili doon. Hindi niya alam kung bakit niya ito pinapanuod wala naman nakakamangha sa ginagawa nito at mukhang hindi naman marunong ito sumakay sa skateboard. Agad na nag-iwas siya ng tingin ng makita niya na napatingin sa gawi niya ang batang lalaki sa palagay niya kaedad lang niya. Naipilig niya ang ulo kasi biglang kumabog ang dibdib niya. Weird! Nakita niya ang paparating na kotse napansin niya na hindi deretso ang pagmamaneho ng driver ng kotse hanggang sa marinig ng matalas niya pandinig ang sakay niyun. "Sandali,bagalan mo lang may bata sa unahan!" Agad siya napalingon sa lalaki na pinapanuod niya kanina. Masasagasaan siya! Alingawngaw ng inner wolf niya. Mabilis ang naging kilos niya kasingbilis ng hangin na tinakbo niya ang kinaroroonan nito at isang saglit pa ay dinamba niya ang batang lalaki na nagulat sa paparating na kotse. Napaigik siya ng maramdaman ang sakit sa may tuhod at siko niya. Pareho sila nakalupasay sa may damuhan. "A-a-ayos ka lang?" takot na takot na untag ng batang lalaki. Umupo siya sa damuhan at sinipat ang nasaktan niyang tuhod at siko pareho may gasgas at may dugo. "May sugat ka! Eto panyo ko," anang nito. Agad na inabot niya yun at mabilis na tinakpan niya ang sugat sa may tuhod niya ayaw niya makita nito ang kusang paghilom niyun nang maitali niya sa kanyang tuhod agad na tumayo siya para hindi nito makita ang siko niya. Ipinanganak sila ng kambal niya na may isang katauhan. Ang pagiging lobo. Agad naman nila natanggap ng kambal niya ang pagiging lobo nila dahiL hindi nagkulang ang Mama at Papa nila na ipaunawa sa kanila ang tungkol sa katauhan nilang iyun. Ang kanilang Mama Amelia ay isang lobo samantalang tao ang kanila Papa kaya alam nila espesyal sila kumpara sa iba. "Niligtas mo ako..salamat," untag nito sa kanya. Tumingin siya sa batang lalaki at nakita niya ang pagkatulala nito sa kanya. Noon lang niya nakita ang mukha nito. Cute ito pero kailanman hindi pa siya na-cute-an na kahit kanino maliban sa isang ito. Mabilis ang t***k ng kanyang puso. Hindi niya alam kung bakit? Agad na tinalikuran niya ito at mabilis na lumayo rito. Alam niya naiwang tulala ang niligtas niya hindi lang niya alam kung dahil ba yun sa nangyari na muntik na ito masagasaan o ano? Marahas siya napabuga ng hangin. "Saan ka galing?" pukaw sa kanya ni Jamiel na nasa labas pala ng bahay nila malamang hahanapin siya nito. Napatingin ito sa tuhod niya. "Ano yan?" sita nito. "Ah,wala..fashion lang,"sagot niya. Umiling ito. "Meryenda na tayo ininit ko ang baked Mac ni Mama.." anito. "Okay po!" nakangiti niya saad. Inalis niya ang kulay asul na panyo sa tuhod niya wala ng bakas na nagasgasan yun at doon niya nakita na may nakasulsing letrang J sa dulo ng panyo. Isasauli na lang niya ito kapag nagkita sila nito ulit.