(كان اسمه حبيبى)

الفصل الرابع

بسم الله الرحمن الرحيم

وبه نستعين

الفصل الر ابع

وصلت روان اخيرا الى المكتبة جلبت كتاب شيق عن ادب الرحلات النوع المفضل لديها وجلست لتقراءه باستمتاع و لم تنتبه لضياع هاتفها

انتهت محاضرة بسمة ونيرمين وفى طريقهم لروان بالمكتبة لمحا اعلان معلق خارج مسرح الجامعة

شهقت نيرمين بفرح

..بداءوا بروفات المسرحية الجديدة يعنى اكيد سيف هيكون هنا فى الجامعة

.يابنتى اعقلى بقى وسيبك من سيف ده اللى مش معبرك ولا شايفك اصلا

..بكرة يشوفنى ويحس بيا كمان وانا عرفت الطريقة

.تن*دت بسمة بنفاذ الصبر

.وايه بقى هى الطريقة يافالحة

.بصى كده الاعلان بيقول ايه ؟.عايزين بنت وجه جديد تدرب معاهم على المسرحية الجديدة

.يعنى ايه مش فاهمة ؟

ما تركزى معايا بقى ميبقاش مخك تخين. انا البنت دى

.وانتى بتعرفى تمثلى؟

..اهو هجرب المهم اكون قريبة منه وساعاتها اردفت وهى تلوى فمها بثقة _هخليه بطريقتى يعجب بيا وميقدرش يستغنى عنى كمان .انا هدخل ااقدم

_يابنتى وروان اللى مستنيانا دى

_ما تستنى يعنى هيجرالها ايه؟

كان عدد كبير من الفتيات يصطف بالخارج

سيف لمخرج العرض بقولك ايه خد بيانتهم ومشيهم

.ليه يعنى؟

..فى واحدة فى دماغى مناسبة جدا للدور بس ادعيلى انها توافق

.طب هناخد بيانتهم ليه بقى ؟

تمويه واحتياط يمكن متوافقش

_وهى فى واحدة بردو تقدر تقولك لا

دخلت نيرمين لمكان الاختبارات فوجدت على الاقل 10 فتيات اخريات

. .

.بسمة ..احيه يا نيرمين شكلنا مش هنخلص النهاردة..ماتيجى يابنتى نمشى ونبقى نيجى وقت تانى

.استنى بس دول بيدخلوا اتنين اتنين اهم وبيطلعوا بسرعة كمان

دخلت نيرمين واعطت بياناتها وصورة شخصية لها ثم انصرفت

تن*دت نيرمين بارتياح .الحمد لله كنت خايفة ليعملولى تيست وانا مش عاملة حسابى

..انتى اصلا ولا بتعرفى تمثلى ولا تهببى وكل اللى همك اللى ما يتسمى وبس

.ما تقوليش عليه كده لو سمحتى ده حبيبى

..خليكى انتى عايشة فى الوهم ده كتير لحد ما تقعى على جدور رقبتك

.............

بعد مضى بعض الوقت تطلعت روان فى ساعتها وانتبهت الى تاخر الوقت

._هى البنات اتاخرت كده ليه .التقطت اشيائها وخرجت من المكتبة بعد ان استعارت ذلك الكتاب الشيق لتقراءة على راحتها بغر فتها فاصطدمت بهم عند خروجها من المكتبة

..اتاخرتوا اوى كنت لسه هتصل بيكم

بسمة.كله من نيرمين

نيرمين...ما خلاص بقى هتفضلى تقطمينى كتير . يله بسرعة نروح نتغدى انا هموت من الجوع

..بسمة ..وانا كمان

فى الكافتيريا

...بسمة وفمها ممتلى بالطعام ..ناكل وبعد كده نبقى نروح نشترى الكتب اللى الدكاترة طلبوهم مننا

نيرمين .طب خدى نفسك الاول لتفطسى

.روان بحرج..هى الكتب تطلعلها بكام كده .

بسمة._ يعنى الكتاب ااقله 300 جنيه وانتى طالعة

.شهقت روان بصدمة ..يانهار اسود ..

نيرمين ..انتى مش بتقولى انك واخده منحة

_ايوة بس المنحة لمصروفات الجامعة بس لكن الكتب لا

بسمة_ لو مقدرتيش تشتريهم ممكن تصوريهم من حد هيوفرلك كتير

..روان بحزن ..بابا كان عنده حق انا مش قد الليلة دى

اخرجت هاتفها لتتصل بوالدها

انا هتصل ببابا ااقوله.

ولا اقولكم هكلم اخويا عمرو احسن هو هيعرف يتصرف بحثت فى حقيبتها ولم تجد الهاتف

..اها كده كملت

..بسمة ..فى ايه ؟

موبايلى مش لاقياه شكله وقع منى ..اردفت بحزن اعمل ايه دلوقتى ارجع ادور عليه ولااعمل ايه

نيرمين..اخر مرة كان معاكى امتى ٌ؟

شردت روان قليلا.كان معايا الصبح قبل ما ادخل المحاضرة

نيرمين..طب استنى هرنلك عليه ..نظر سيف الى الهاتف وابتسم بخبث

نيرمين...اهو بيرن اهو خدى اتكلمى

روان..السلام عليكم ورحمة الله

سيف بابتسامة ماكرة ..وعليكم السلام

بسمة_ افتحى الاسبيكر يا روان

.حضرتك ده موبايلى ووقع منى ممكن ااقابل حضرتك عشان اخده واكيد حلاوتك محفوظة

..سيف بتهكم ..حلاوة ايه يا انسة هو ده موبايل حد يطمع فيه ولا تدفعى فيه حلاوة

بسمة زنيرمين .???

روان..من غير تريقة لو سمحت .

ماشى مش هتريق ياقمر بس مش هتقوليلى بقى اسمك ايه؟

نيرمين .انا حاسة الصوت ده مش غريب عليا

رفعت روان الهاتف من على اذنها وقد اتسعت عيناها بصدمة

..هو انت ؟

سيف بخبث. . هستناكى فى الكافيه اللى قدام الجامعة بعد 10 دقايق متتاخريش .سلام

ثم اغلق الخط

..نيرمين هو مين ده يا روان؟

.واحد غتيت اتخبطت فيه صدفة وانا بدور على المكتبة ..ممكن تيجوا معايا يابنات انا مش مطمنة للجدع ده

_بسمة ..لا النهاردة مش هينفع خالص احنا اصلا متاخرين ولسه هنروح نجيب الكتب.. كده كوثر هتقفل باب الدار ومش هدخلنا انتى متعرفيهاش لاما بتقلب امنا الغولة

.نيرمين.وهو هيعضك يعنى روحى جيبى موبايلك 5 دقايق وامشى ع طول

روان باستسلام _.امرى لله

____________

نهض سيف عندما راها قادمة باتجاهه

روان.السلام عليكم

.وعليكم السلام اتفضلى اقعدى

مفيش داعى ممكن حضرتك تدينى الموبايل عشان امشى

_مش هدهولك غير لما تقعدى اشار للجرسون ان ياتى

.._خلاص مش عايزاه همت ان تذهب ولكنه امسك مع**ها

.لوسمحتى اقعدى

نظرت له نظره نارية .اياك تمسك ايدى تانى .فاهم

.انا اسف اردف بنبرة هادئة

ممكن تقعدى بس لحظة عايزك فى موضوع مهم وعشان تعرفى حسن نيتى ادى يا ستى موبايلك اهو

جاء اليهم النادل . تطلبوا ايه؟

.وبدون ان يسالها 2 ليمون لو سمحت

..

.جلست روان.متحفزة..اتفضل قول عايز ايه وخلصنى

_

_عايزك تمثلى معايا فى المسرحية الجديدة اللى بنجهزلها دلوقتى

..رفعت حاجبها باستغراب .واشمعنى اختارتنى انا؟

_لان مواصفات البنت اللى فى خيالى نسخة منك وماصدقت لاقيتك

'.ومين قالك اصلا انى بعرف امثل

..ضحك بسخرية .ومين بيعرف .؟ متخافيش انا هعلمك وادربك

..نهضت مجددا .اسفة جدا طلبك مرفوض انا ماليش فى التمثيل والكلام الفارغ ده

.._اسمعينى بس ولو مقتنعتيش بكلامى ابقى امشى .قبل ان يمسك يدها سحبتها بسرعة بجانبها ومعها نظرة قوية

فرفع يديه للاعلى باستسلام.

_جلست على مضض .اتى الجرسون بالليمون .اتفضلى اشربى الاول وروقى دمك

..رشفت رشفة من الليمون ثم قالت

انت ازاى فكرت فيا.اصلا وانا محجبة ، عمرك شوفت واحدة بتمثل على المسرح وهى محجبة؟

سيف بتوضيح _احنا فرقة هواة يعنى متفرقش معانا التفاصيل دى. ده غير ان البطلة اللى فى المسرحية بنت من العصور الوسطى وليها زى معين وبتحط شال طويل على راسها و بتغطى بيه كل شعرها

._بردو لا

_._فكرى بس .الموضوع كله شهرين اتنين

وهند*كى الفلوس اللى تطلبيها

.روان باستغراب.فلوس ؟انت مش بتقول انكم فرقة هواة

.ايوة بس ده ميمنعش ان عندنا ممول بيمول العرض ده غير ان العروض دى بيحضروها احيانا مخرجين وممثلين مهمين

..فكرت روان ان هذا سيتيح لها الفرصة لدفع مصاريف الكتب دون ان تحمل والدها اعباء جديدة وفى نهاية الامر هما شهرين فقط

..قالت على عجل حتى لا يتسنى لها التفكير و العدول عن قرارها

_موافقة

ارجع سيف ظهره للخلف وهو يبتسم بمكر

._على خيرة الله

مد لها يده ليصافحها ..سيف

..ترددت قليلا قبل ان تمد يدها لتصافحه هى الاخرى

.روان

_اسمك حلو اوى ياروان.

_انا لازم امشى دلوقتى نهضت واخذت حقيبتها

..طب هستناكى بكرة الساعة عشرة فى نفس المكان اللى قابلتينى فيه النهاردة عشان تمضى العقد ونتفق على مواعيد البروفات

_ تمام

_____________ .

استغلت نوم زوجها وقامت باخذ ب**ة اصبعه لتفتح هاتفه الجوال ثم تسللت للخارج ؛لم تكن تتخيل بيوم ان تصل لهذا الموصل معه ولكن الشك وفقدان الثقة به هو من جعلها تبحث وتفتش خلفه دائما

فتحت الجوال لتنصدم بهول ما راته كلام خارج وعلاقة كاملة مع احدى الساقطات بكل مكان بشقتها حتى بالمطبخ

مستغلا غيابها عند والدتها التى تقضى معها يومين

كل اسبوع ؛اصابها الغثيان وصرخت وهى تضع كفها على فمها لتمنع شهقة الصدمة التى اعتلت وجهها لتجد من ينتشل الجوال من يدها فجاه

..-انتى مش هتبطلى عادتك الزفت دى ؛ انتى ايه مبتزهقيش. معندكيش كرامة

..ولاء بصراخ..انت ايه . بجح ،معندكش دم حتى بيتنا بتنجسه بعامايلك الوس....خة .والنسوان الزبالة اللى بتعرفهم

امسكها من شعرها يجذبها اليه ..شايف انى صوتك على وبقيتى تغلطى

استطرد متهكما

لا يكون عشان اخوكى رجع فاكراه راجل ويقدر يحميكى منى

نفضت يده بعيدا عنها ..راجل غصب عنك واه هيحمينى منك لان هو سندى وضهرى وامانى اللى للاسف كنت فاكرة انى هلاقيهم معاك لكن طلعت واحد وسخ انانى مبتدورش غير على مزاجك والنسوان الشمال اللى زيك

خمس سنين مستحملة ق*فك وخيانتك واقول يابت استحملى عشان ابنك بكره يتغير بكره يحس لكن مفيش فايدة النجاسة فى د..

لم تستطع تكملة جملتها بعد صفعة شادى التى اسقتطها على الارض

..اخر مرة اسمحلك تعلى صوتك عليا ،اسمعينى كويس يا ماما انا راجل واعمل اللى انا عايزة وانتى ملكيش عندى حاجة

انا دكتور قد الدنيا والف مين تتمنانى ؛احسن واغنى منك وشكلها يض*ب شكل امك بالجزمة وانتى اللى هتبقى خسرانة لو فكرتى تسبينى

مين هيبصلك اصلا بشكلك ده وكمان مطلقة ومعاكى طفل .احمدى ربنا وعيشى وانتى ساكتة

(ولاء بالاصل جميلة ولكن بعد الانجاب وزيادة وزنها بالاضافة الى انشغالها بعملها و هوسها بمراقبة شادى وجعله شغلها الشاغل اهملت نفسها و شحب وجهها واختفى بريق عينيها

..وانا يستحيل اعيش مع واحد حقير زيك

..لو عايزة تطلقى ياحلوة معنديش مانع بس تعملى حسابك انك هتخرجى من هنا بالهدمة اللى عليكى وحتى ابنك تنسيه ..فهمانى

كان يعلم انها لاتستطيع التخلى عن طفلها وهو يستغل نقطة ضعفها تلك تركها وخرج صافقا الباب خلفه بينما هى انهارت على الارض تبكى بانهيار

رفعت راسها اثر ربته رقيقة على راسها

نيار...معلش ياماما .مسح دموعها بانامله الصغيرة

انا لما اكبر مش هخلى بابا يض*بك تانى وهزعقله جامد اوى انا زعلان اوى منه عشان بيزعلك ع طول

ضمته ولاء بقوة وانهارت اكثر فى البكاء

ربنا يخليك ليا يا حبيبى بس انا مش عايزاك ابدا فى يوم تقف قدام بابا او حتى تزعل منه علاقتى بيه انا غير علاقتك بيه .بابا بيحبك اوى ومبيستحملش عليك الهوا ماشى حبيبى

..اوما لها الصغير قبل ان يلقى نفسه باحضانها مجددا

ويبكوا سويا

________________

جرالك ايه يافيروز كل ده وقت معاه ومعرفتيش توقعيه

_اعمل ايه يا شادى انت فاكراه راجل زى اى راجل .

شادى بتهكم .امال ايه كائن فضائى

.انتى اللى بقيتى خايبة الرجالة كلها زى بعض بس كل واحد له داخلة و الشاطرة بقى اللى تعرف تدخلهم منين

.. بقولك بيعدى من قدامى كانى هوا ولا كانه شايفنى

_ما انا عارفه قفل بس بردو كل واحد له داخله والقفل له مفتاح

..يعنى اعمل ايه ؟

..زودى عليه العيار شوية حبة دلع ؛لبس ضيق

برفان غالى يخليه يشم ريحتك من على بعد اتخبطى فيه وهو داخل واعملى مش واخدة بالك

فيروز بغيظ _هو انت ما بتغيرش عليا خالص يا شادى .ده انا حتى مراتك يا اخى

..ازاى ياروحى طبعا بغير عليكى بس الغاية تبرر الوسيلة هو انا يعنى بعمل ده عشانى لوحدى ماهو عشانك انتى كمان

..ايوة يعنى عايزنى اعمل ايه

..هو انا هعلمك يافيروز ده انتى ما شاء الله استاذة مال انا وقعتينى ازاى ..خليه مايشوفش غيرك وفى اللحظة المناسبة مضيه على وصل امانة بتلاتة اربعة مليون من وسط الورق من غير مايحس

_طب وافرض كشفانى

_الرك على شطارتك بقى تعميله عنيه تخليه ميبقاش شايف غيرك

ابتسمت له باغواء وهى تلعب بازرار قميصه

هتبات معايا النهاردة ولا هتروح

..ها لا هروح انتى عارفة الظروف بس ميمنعش ببردو انى .... ..قبلها بشغف وهو يسحبها. معه باتجاه غرفة النوم وكل منهما يخلع ملابس الاخر بهستيريا

__________________________

عادت روان الى المدينة ووجدت بسمة ونيرمين بانتظارها روت لهم ما حدث معها لتقا**ها نيرمين

بصدمة ودموع تجمعت بعينيها

نيرمين بحدة_ وهو اش عرفه اذا كنتى بتعرفى تمثلى ولا لا وانتى ازاى توافقى اصلا واهلك هيوافقوا على حاجة زى كده

بسمة ..عادى يا نيرمين الموضوع كله مش اكتر من شهرين

روان..بينى وبينكم انا كنت محتارة اتصرف ازاى فى مصاريف الكتب .وحسيت كان ربنا استجاب لدعايا

..رن جرس هاتفها

روان ..دى ماما هطلع اكلمها بره عشان الشبكة هنا وحشة اوى

..ركضت نيرمين على الشرفة وهى تبكى فذهبت خلفها بسمة

..اهدى يا نيرمين الموضوع مش مستاهل

..ازاى يعنى ؟ده انا ما صدقت جاتلى فرصة زى دى هتخلينى ااقرب منه تقوم تيجى هى بمنتهى البساطة تخ*فها منى ومن اول يوم ليها فى الجامعة شاف ايه فيها يعنى زيادة عنى

..على فكرة انتى مكبرة الموضوع اوى الحكاية كلها شغل وبعدين ما تبصى لنص الكوباية المليان

..اللى هو ايه يافالحة

.يعنى انتى مثلا كنتى ضامنة انه هيختارك انتى من ضمن البنات دى كلها اللى متقدمين لكن لما يختار صاحبتك على الاقل كده هيبقى عندك فرصة يشوفك معاها ويتعرف عليكى وتقربى منه وتقدرى بقى بطريقتك تلفتى نظره ليكى

.مسحت نير مين دموعها وابتسمت

. معاكى حق جبتى يابت الذكاوة دى منين

ده انا هخليه يتلوح وميشوفش بنت تانية غيرى

________________________

عاد شادى بساعات الصباح الاولى بعد ان قضى سهرته مع الاخرى ذهب لغرفتهم ولم يجدها ثم وجدها تضجع على الفراش بالغرفة الاخرى وتخفى كامل جسدها حتى راسها وحقيبة صغيرة جمعت بها جزء من ملابسها هى وصغيرها بجانب الفراش

فاصابه الذعر من امكانية تركها له

جلس بجانبها على طرف الفراش

ولاء حبيبتى قومى كلمينى انا عارف انك صاحية

بدا يملس بيده على منحنيات جسدها

.شادى ببكاء . انا اسف يا حبيبتى ارجوكى متسبينيش انا مقدرش اعيش من غيرك

ازاحت الغطاء عن وجهها ونظرت اليه بعينيها المتورمة من كثرة البكاء نظرات لائمة مستنكرة

فقبل يدها

_حبيبتى متزعليش منى انتى عارفة انى عصبى ومبقدرش اسيطر على نفسي بس واللهى بحبك ومقدرش استغنى عنك ....تتقطع ايدى لو اتمدت عليكى تانى صدقينى ياروحى انا مببقاش قصدى ازعلك انا بحبك انتى ومبحبش حد غيرك ولا فى واحدة غيرك تملى عينيا

نهى باستنكار _طب لما انت بتحبنى كده بتخونى ليه؟

_هتصدقينى لو قلتلك انا نفسي مش عارف انا بعمل كده ليه بس سامحينى المرة دى وانا اوعدك انى هتغير

تن*دت بتعب _.كل مرة بتقول كده ومفيش حاجة بتتغير وانا تعبت خلاص بجد تعبت

قبل جفنى عينيها الباكية

وبصوت حنون ..لا صدقينى المرة دى غير كل مرة ادينى انتى بس فرصة تانية وهتشوفى

_قصدك فرصة عاشرة

اردف بصوت حنون اجش وهو يتلمس وجنتيها باغواء

_ انا بس كنت بعيد عن ربنا الفترة اللى فاتت وهرجع اقرب منه تانى وان شاء الله هيقدرنى انى ابطل الحاجات دى خليكى انتى بس جمبى وقوينى صدقينى انا من غيرك مقدرش اعمل حاجة فى حياتى

ولاء بهمس مغوى ..طب ايه رايك لو اكلملك د.مراد يساعدك( دكتور نفسانى)

._معنديش مانع المهم انتى ترضى عنى

_بجد يا شادى

..طبعا بجد ياقلب شادى قبل خيط الدموع المنسدل على وجنتيها ملطخا بكحل عينيها قائلا بتقطع من بين قبلاته

بس ياريت متجبيش... سيرة لحد .....باللى بيحصل بنا ......خلى مشاكلنا جوا بيتنا نحلها .....احنا مع بعض .....ماشى حبيبتى

ولاء بضعف من قربه .اكيد طبعا وانا من امتى بطلع اسرار بيتنا بره

.برافو عليكى يا روحى

نثر قبلاته المحمومة على وجهها

حتى التقت شفتيه اخيرا بشفتيها بشغف و ذابت هى تحت وطاة لمساته من جديد

__________________

بدات روان التدريب معه بعد ان اشترطت عليه ان تكون البروفات فى غير موعد المحاضرات و لمدة ساعة فقط يوميا عدا يومى الخميس والجمعة التى تعود فيه الى بلدتها وقد رافقتها نيرمين معظم الوقت اثناء البروفات معلله ذلك بانها تعدها صديقتها المقربة وتريد ان تكون بجانبها فى اول تجاربها التمثيلية لمؤازرتها وتشجيعها

وقد بدا سيف ينصب شباكه حولها كالعنكبوت منذ الوهلة الاولى فكان يغذق عليها بمحبته ودلاله ؛ صبور معها الى اقصى حد عند تدريبها ولا ينهرها عندما تخطئ بل على الع** يشجعها ... يتقرب منها ببطئ محبب حتى لا تنفر منه وتخشاه ومجهضا اى محاوله لنيرمين فى التقرب منه مما جعلها تستشيط غضبا منه ومنها

______________

ادمعت عينيها وهى تطوى الملابس وتضعها بالخزانة

حتى انها لم تشعر بزوجها وهو يفتح يدخل عليها الغرفة

عنانى بخضة ...فى ايه يا نعمة مالك بتعيطى ليه فى حاجة حصلت للولاد

..بعد الشر تف من بوقك

..امال ايه اللى مخليكى قاعدة مفطومة كده من العياط حتى محستيش بيا وانا داخل

..نعمة ببكاء.وهى تستنشق رائحتهم على الملابس العيال قاطعين فيا اوى ياعنانى البيت من غيرهم ملوش حس وخصوصا روان اول مرة تبعد عنى كده

..تن*د عنانى وهو يجلس بجانبها ويربت على كف يدها

..وقاطعين فيا انا كمان بس هنعمل ايه الطير لما يكبر ما ينفعش نحبسه جنبنا فى القفص لازم نخليه يطير ويرفرف بجناحاته واحنا ربناهم كويس والحمد لله يعنى نرميهم بالنار واحنا مطمنين انهم مش هيخذلونا ولا ي**روا رقبتنا ..قومى كده اغسلى وشك وروقى والبسى القميص الاحمر بقالى كتير مشوفتوش عليكى العيال ولاد الكلب كانوا قالين راحتنا

ضحكت نعمة...شوف الراجل بقول ايه وهو بيفكر فى ايه

.بفكر فى ايه ياقمر انتى مش ان الاوان بقى نرجع امجادنا بتاعة زمان قومى يا ولية قومى البسى القميص وشغللنا اغنية حلوة ترقصى عليها بلاش نكد

..نظرت اليه نعمة بذهول ..انت بتتكلم جد ياعنانى

_.وجد الجد كمان وهحزمك بنفسى كمان ..ها هتقومى تغيرى انتى ولا اغيرلك انا بس ساعتها بقى مش هستنى لما تلبسى القميص ونغزها بجنبها

.فانتفضت بشهقة .يوه ههههه هههههه.خلاص ياراجل قايمة

تمتمت لنفسها وهى تذهب

..الراجل بينه جاتله مراهقة متاخره اللى بيقولوا عليها دى ههههه

___________________

كان يسير بسيارته بالظلام الدامس وفجاه خرجت له حورية جميلة بملابس بيضاء كالملاك انارت عتمة الظلام المحيط به

ابتسمت له ثم مدت يدها اليه

..تعالى يا احمد قرب منى انا محتاجالك وانت كمان محتاجلى

خرج من السيارة وذهب اليها ليلتقط كف يدها الممدود له

وعندما اقترب منها وجدها

تلك التى **رته وحطمت كرامته وكبريائه

.بحبك اوى يا احمد

دفعها بكل قوته ابعدى عنى انتى لعنة .واحدة كذابة .خاينة

وقعت على الارض تبكى ثم رفعت وجهها اليه تستعطفه.فاذا بها

تلك الساحرة الصغيرة بنظرتها البريئة ووجهها الخالى من الصبغات.التى بالرغم من بساطة ملبسها وشكلها ولكن لديها جاذبية خاصة تخ*ف الانفاس دون اى مجهود منها

كومت وجهه بين كفيها ..متصدقش اى حاجة تتقالك عنى بس صدق عيونى اخذت كف يده ووضعته على قلبها ..صدق ده اللى بينبض ليك لوحدك

اقترب من وجهها ليقبلها .فانتفض بفزع من نومه

_استغفر الله العظيم .ايه الحلم الغريب ده

واشمعنى البنت دى من يوم ما شوفتها ووشها وابتسامتها مبيفارقش خيالى مع انى مشوفتهاش ١٠ دقايق على بعض ..

..راى هاتفه النقال الذى وضعه بوضع الصامت قبل ان يخلد للنوم يومض باستمرار

..نظر الى الشاشة وقد تجعد وجهه بحنق للمرة الالف ترسل له رسايل تعتذر له فيها و تستعطفه وللمرة الالف يضعها على قائمة الحذر للتصل به مجددا من رقم جديد

..نهض من على الفراش ليدلف الى الحمام وياخذ شاور بارد يهدا به مشاعره الثائرة ثم جلس يقرا فى كتاب الله حتى اذان الفجر ثم اتجه للمسجد القريب من البيت ليصلى

______________________

قررت بسمة الاخذ بنصيحة روان و محاولة التقرب من خطيبها رغم انها تشعر بالبرود من ناحيته ولكن لا باس فلتبدأ هى بالخطوة الاولى لعل وعسى

الو....ازيك يا عتريس .وفى سرها يخربيت ده اسم

عتريس بخضة ..كيفك يابت عمى انتى زينة وعمى زين

_اه الحمد لله مالك مخضوض كده

لا بس ممتعودش عليكى تحدتينى فى التلفون

._مهو ده اللى بكلمك علشانه

.مش فاهم ؟

_عتريس احنا بقالنا قد ايه مخطوبين

_ياجى 6 شهور كده

..طيب وفى الست شهور دول جيت شوف*نى كام مرة ..بلاش كلمتنى فى التلفون كام مرة

._رايدة تجولى ايه يابت عمى .اتحدتى طوالى من غير لف ودوران

.تن*دت بضيق .عتريس احنا المفروض هنتجوز يعنى لازم نقرب من بعض ونحاول نفهم طباع بعض كويس

. .مااحنا هنفهم بعض بعد الجواز يبجى لازمتها ايه الاتصالات والمصاريف اللى ملهاش عازة دى يا بنت عمى

..بسمة بذهول ..ملهاش عازة

اردفت بحدة .. على فكرة انا اسمى بسمة لو كنت ناسي وتعرف انا غلطانة انى كلمتك انت مفيش فايدة فيك

ثم اغلقت الهاتف فى وجهه بانفعال

_شخص بارد ومستفز

.________________________________

بدا عرض المسرحية وقدمت روان عرض مبهر هى نفسها لم تصدقه عندما سمعت الاستحسان على ادائها من الجميع

واثناء عرض المسرحية همس لها سيف ببعض عبارات الغزل بصوت خفيض ليقينه انها لن تستطيع نهره اوالرد عليه امام كل هذا الحشد من الجمهور

.بحبك يامالكة قلبى وكل كيانى ثم اكمل باقى حوار الرواية وكانه لم يفعل شئ بعد ان اضرم النيران بمشاعرها العذراء الخجولة

كانت تصده بالبداية وتتحفظ فى الحديث معه و لكن لم يجعله هذا يفقد عزيمته واصراره على اخضاعها له ولحبه

يحاصرها طوال الوقت فنهارا معها فى المسرح وليلا على الهاتف حين يتذرع باى عذر ليتحدث معها حول العرض

.حديثه شيق خفيف الظل ؛يقدرها ويحتويها بحنانه ،تستشعر غيرته عليها حين لايسمح لاحد ان يقترب منها و يخبرها دائما انه يخشى عليها حتى من نفسه يمثل لها درع حماية ويعطيها شعور بالامان وهى معه

يخبرها انها الكون كله بالنسبة له

هى شمسه التى لايبدا نهاره الابها وهى قمره التى لايستطيع النوم دون ان يسمع صوتها

ماذا تريد الانثى اكثر من ذلك؟

هذا اذا كان حقيقيا

كان يلعب على اوتار قلبها بحرفيه وهى الريفيه الساذجة التى وقعت بين فكى الذئب الماكر

.حقق العرض نجاحا باهرا وقد اثبتت روان للجميع

انها لديها موهبة فطرية

كم كانت سعيدة بتصفيق الجمهور لها وتلقى التهنئة من الجميع

وخلال كل هذا كانت نيرمين تموت كمدا وغيظا وتلعن اليوم الذى رات به هذه الروان كم تمنت لو تزل قدمها على المسرح فتحرج ويضحك عليها الجميع او تفشل ويفشل معها العرض ويضطر سيف لطردها لتصبح هى مكانها بجانبه

..سيف..الف مب**ك يا روان بصراحة فوقتى كل توقعاتى وتفوقتى على نفسك

روان بسعادة .العفو يا كوتش ده كله بتوجيهات معاليك

انتى عارفة انى بكره عيد ميلادى والزملاء عاملين حفلة فى الكواليس عشان يحتفلوا بيه

.ايوة عارفة كل سنة وانت طيب .بس اعذرنى مش هقدر اجى

.سيف بخيبة امل ..يعنى ايه مش هتيجى

همس بجانب اذنها

ده انتى اهم واحدة نفسي تيجى الحفلة عايزة اطفى شمع السنة اللى راحت و ابدا معاها السنة الجديدة وانا ببص فى عينيها الحلوة اللى بتدينى امل وتفاؤل فى المستقبل ولو مجتيش هلغى الحفلة كلها

واحرج الزملاء ايه رايك بقى

روان بخجل خلاص هاجى طالما م**م بس هجيب اصحابى معايا

.وماله هاتيهم

.عايزك تطلعى احلى واحدة في الحفلة دى عشان عملك مفاجاة

.مفاجاة ايه؟

ولو قلتلك عليها هتبقى مفاجاة ازاى

.. .همت ان تذهب فاوقفها

_روان

نعم

_ياريت بلاش تحطى مكياج تانى انتى شكلك احلى من غيره خليكى بطبيعتك بتبقى احلى

روان بتوتر .. ده بسمة هى اصرت عليا عشان الفينال بس انا مبحبش احط والله .

_نظر داخل عمق عينيها

..روان فى كلام كتير نفسى ااقولهولك من اول ما شوفتك بس خايف التعبير ي**نى ومعرفش اوصلك احاسيسى ناحيتك صح زى ما انا حاسسها

..روان بتوتر ..ارجوك ياسيف بلاش الكلام ده انا مش قده ولا ده وقته انا

اردفت بخجل .انت كده بتوترنى

اقترب اكثر منها _.اعمل ايه بحبك ومش قادر اخبى اكتر من كده..وحاسس انك انتى كمان بتحبينى عينيكى الحلوين دول ف*نولى عليكى .ارجوكى قوليها بقى وريحينى

كانت نيرمين تقف على مقربة منهم وسمعت حديثهم باكمله فشعرت بالقهر والحقد تجاه روان وركضت باكية الى الحمام

..ذهبت روان من امامه مسرعة

.اشوفك فى الحفلة ياسيف

..نظر سيف فى اثرها ووجدها تختبى خلف العمود الخرسانى وتخرج منديل من جيبها وتمسح الميكب من على وجهها وشفتيها

.فابتسم بغرور ..فهو كان يعلم انها سهلة الانقياد له

وبقدرته فى السيطرة عليها وعلى مشاعرها فهى تذوب كقطعة الثلج امام عينيه عندما يثنو عليها وعلى جمالها وانوثتها رغم اعتراضها ومحاولة صده المستمرة ولكن على من ؟هل استطاعت انثى من قبل مجابهته لتستطيع هى وهى الساذجة البريئة بمشاعرها العذرية كارض صحراوية قاحلة بحاجة للارتواء لتنبت وتذهر

سيف بعبث .شكلك هتتعبينى معاك بس انا قدها وقدود

..وضعت يدها على قلبها الذى يدوى بعنف وهى تبتسم دون سبب عندما

باغتتها بسمة ..فى ايه يابنتى مالك واقفة مسهمة كده ليه

..سيف يا بسمة صارحنى بحبه وانا مش عارفة ااقوله ايه انتى عارفة انى كنت ماجلة موضوع الارتباط ده خالص وشايلاه من حساباتى

_طب انتى حاسة من ناحيته بحاجة ده السؤال اللى المفروض تساليه لنفسك

..مش عارفةيابسمة بس بحس معاه باحاسيس اول مره احسها ؛ بحب وجوده حواليا وحنيته عليا ؛بحب اشوف لهفته وخوفه عليا بحس وانا جانبه انى طايرة والارض مش شايلانى

_وتقولى مش عارفة اذا كنت بحبه ولا لا دانتى واقعة واقعة يابنتى

..خبطتها روان على كتفها ..بطلى رخامة بقى وقوليلى اعمل ايه

..سيبى نفسك للحب ياروان الحب ده اجمل حاجة فى الدنيا بس طبعا احنا فى اخلاق وضوابط بتحكمنا يعنى لازم يثبتلك حبه ده بطريقة عملى ؛اطلبى منه ياخد خطوة جد .وهو لو بجد انسان كويس وبيحبك هيدخل البيت من بابه وهيساعدك كمان تحققى طموحك واحلامك ومش هيكون عقبة فى حياتك

تلفتت روان حولها _هى نيرمين راحت فين؟

ها .راحت الحمام

كانت بسمة تعلم انها سمعتهم فقد راتها وهى تقترب منهم وتتصنت عليهم وتقصدت ان تتركها لتنفث عن نفسها حتى تفيق من وهم حبها لسيف الذى سيطر عليها فى البداية كانت تساندها ولكن الان الامر مختلف فمن الوضح للجميع ان سيف يعشق روان ولا سبيل لها بينهم

.اغلقت باب الحمام عليها ثم اطلقت العنان لدموعها الحبيسة لتنهمر على وجنتيها بغذارة

..بقى كدا ياسيف بقالى سنة ونص بحاول الفت نظرك ليا بكل طريقة وتيجى دى فى كام يوم تاخدك منى.. .فيها ايه البتاعة دى زيادة عنى بس

.بس قسما بربى ما هسيبكم تتهنوا ببعض وهطربقها على دماغكم

سكبت المياة على وجهها اكثر من مرة ثم خرجت لهم وهى ترسم على وجهها ابتسامة باهتة لا تصل لعينيها

_يلا بينا

اقترب منه حازم ..ايه الاخبار مستعد لبكرة والا تاخدها من اصيرها ونلغى الرهان بدل ماتطلع بسواد الوش ومنظرك يبقى عرة

..هو مين ده اللى يخسر دى فضلها بس تكة وتبقى زى الخاتم فى صباعى ومكالمة بالليل دى هتحسم الموضوع

..واللهى انا مستنى اشوف بعينى و اسمع بودنى

سيف بغرور ._.هتشوف وتسمع يا حبيبى انا عمرى خسرت رهان ولاقلتلك على حاجة ومقدرتش انفذها

.الصراحة لا بس البت دى الصراحة غير كل البنات اللى عرفتهم قبل كده وباين عليها محترمة بجد

سيف بتحدى ..وماله كده التحدى يبقى اقوى واحلى

.._____________________________

عاد بوقت متاخر كعادته ليصطدم باحد يجلس فى الظلام ويشهق بخضة .

.بسم الله الرحمن الرحيم

.نهى ..ده انا ياسيف

..اضاء ت كشاف الهاتف النقال

.يخربيتك كنت هتجبيلى ساكتة قلبية ايه مش هتبطلى تطلعيلى فى الضلمة كده زى امنا الغولة

..اخرجت من خلف ظهرها باقة ورد وفل ملفوفة بعناية

حبيت اكون اول واحدة تقولك كل سنة وانت طيب ..

سيف بتهكم...جايبالى ورد ليه فكرانى بنت ولا اكونش طالع القرافة

..نهى بحزن .ده من الجنينة اللى على السطح زرعاه بايديا .عشان عارفة انك بتحب ريحة الفل والورد البلدى بس هديتك الاصليه هتلاقيها على سريرك جوا

اخذ منها الباقة _طب ياستى متشكر

_متشكر ايه بس هو في بينا الكلام ده ياسيف ده انا واللهى لو اطول اجيبلك نجوم السما مش هتاخر

..قبلها سيف من جبهتها فحتى قلبه الصخر يلين احيانا لرقة هذه الفتاه ومحبتها له الظاهرة للعيان

.ابتست له بحب وهى .تضع كفها على جبهتها لا تصدق ما حدث الان

.

يله .روحى نامى بقى الوقت اتاخر تصبحى على خير

نهى بابتسامة عذبة _.وانت من اهله

_دخل غرفته ليجد هدية ملفوفة بعناية موضوعة على الفراش فتحها ليجد ماكينة قهوة فورية بدلا عن ماكينته التى خربت من فترة

.فابتسم بامتنان .طيبة اوى البت دى ده حتى بابا وماما مفتكروش عيد ميلادى .مش عارف انا قلبى مش حاسس بيها ليه

بينما هى اغلقت باب شقتهم ووقفت خلفه تلهث من فرط سعادتها فهى تنتظر منه فقط كلمة او ايماءة لتجعلها تحلق بين النجوم بسعادة

________________

مساء اليوم التالى

_تانقت روان كم طلب منها وارتدت فستان حريرى باللون الاوف وايت طويل يصل الى حد الكاحل ؛ ينساب بنعومة على جسدها ولكنه لم يكن ضيق ليبرز معالم جسدها ووفقت معه حجاب وحذاء مناسب فى الواقع كان فستان بسمة اعارتها اياه بعد ان فشلت روان فى ايجاد اى شئ من ملابسها مناسب

ذهبت للحفل برفقة رفيقتيها

وعندما خطت اولى خطواتها داخل القاعة انقطع التيار الكهربى ثم اضاءت شاشه كبيرة وسط القاعة مكتوب عليها

بحبك ياروان❤

ثم اغلقت الاضاءة على الشاشة وظهرت بمكان اخر كان يقف به سيف ثم بدا بالغناء I Found Love For me اغنية هادية ورومانسية جدا

. لقد وجدت الحب .حبيبتى اندفعى فقط واتبعى خطواتى

حسنا لقد .وجدت فتاة جميلة وحلوة

لم اكن اعلم ابدا انك الشخص الذى ينتظرنى

حين انتهت الاغنية

انطفاءت الاضاءة على سيف وتوجهت نحومكان اخر يحمل صورة سيف وروان بملابس عريس وعروس

ثم ذهبت الاضاءة بعد ذلك على المكان التى تقف به

روان ثم تناثرت الورود عليها من السقف وهى تشهق بفرح لاتصدق كل هذه السعادة حتى صرخت بدون وعى.كانها تحدث نفسها وتناست وجود الناس حولها_ بحبك ياسيف?