Buong magdamag na hindi nakatulog si Chris matapos niyang maihatid si Lyka sa bahay nito kagabi.
Inaamin niyang nalilito na siya sa kanyang gagawin. Hindi siya maaaring magkamali. Si Jasmine talaga iyong nakita niya. Pero bakit tila hindi siya nito naaalala? Anim na buwan pa lang ang lumipas. Imposibleng nakalimutan na siya nito nang ganoon kabilis.
Totoo na noong nalasing siya nang husto ay si Jasmine ang palaging gumugulo sa kanyang isipan at nakokonsensya siya na nadadamay ang pamilya ni Lyka sa kagustuhan ng kanyang ama na ipakasal ang dalaga sa kanya kapalit ng hindi magandang balita noong una silang magkakilala sa hindi inaasahang pagkakataon ni Lyka.
Kung siya ang masusunod ay hindi niya pipilitin ang dalaga na magpakasal sa kanya. Kayang-kaya niyang ibalik ang kompanya
