MABILIS na lumabas ng restaurant si Abella matapos ang trabaho niya roon. Kailangan niyang magmadali dahil baka hindi na niya maabutan si Nathan sa restaurant ni Koki.
Sa kabila ng mga sinabi nito sa kaniya nang nagdaang gabi, hindi parin iyon naging dahilan para tuluyan siyang sumuko lalo na't nakumpirma na niya na ginagawa lamang iyon ni Nathan para protektahan siya laban kay Irene. Na lahat ng mga pinapakita nito ay dahilan lamang ng pagprotekta nito sa kaniya.
Hindi siya mapakali habang umaandar ang taxi-ng sinasakyan niya. Gusto na niyang paliparin iyon para mas madali nilang marating ang restaurant ni Koki o kaya nama'y paharurutin ang sasakyan.
Nakaramdam siya ng kaba at pananabik nang huminto ang taxi. Iniabot niya ang bayad sa driver, saka mabilis na bumaba roon at tinakbo ang
