“B-Buntis na ako?” usal ko.
“Yes, my dear wife. Pero sabihin mo sa akin ang buong pangyayari. Ang sinabi lang sa akin ni Oswald kanina ay naabutan niyang sinasaktan ka ni Mommy pagkatapos ay dinugo ka na at nawalan ng malay. Tell me what happened, please,” pakiusap naman niya. Doon ko hinaplos ang pisngi kong sinampal ng Mommy niya kanina. Sigurado akong may naiwan pa ring marka doon hangang ngayon.
“Sinugod niya ako kasi galit na galit siya. Sinisiraan ko raw si Love Bel sa iyo, at gumagawa lang daw ako ng kuwento para guluhin ang pamilya ninyo. Pero, Romano, isinusumpa ko, nagsasabi ako ng totoo. Hindi kita lolokohin, at mas lalong hindi ako maghahabi ng walang katotohanang kuwento o kaya ay gagawa ng anumang ikagugulo ng pamilya niyo,” mariing pahayag ko. Agad naman siyang tumango sa
