Mabilis akong gumilid. Binuksan ni Luis ang malalaking gate ng bahay ni Zandrick saka pumasok ang sasakyan.
Bumaba mula doon si Zandrick at ang babae. Pareho silang humarap sa akin. Nagkatinginan kami ni Zandrick bago niya sinenyasan ang babae na pumasok sa loob ng bahay.
Nag-init ang aking ulo dahil doon. Sinamaan ko ng tingin si Luis na tumatawa sa tabi ko.
“Magpigil ka naman ng selos. Masyadong halata sa mukha mo.” Hinampas ko siya sa kanyang braso. Nilingon ko si Zandrick na naglalakad palapit sa amin.
Agad akong humawak sa aking bewang at mataray na tumingin sa kanya.
“Sino iyon?” Mapait kong tanong. Kumukulo talaga ang dugo ko. Hindi na agad maganda ang impression ko sa babaeng iyon dahil sa pagmamaldita niya sa akin kanina. Nakakairita, mas maganda naman ako sa kanya!
“St
