"Talaga? Congratulations!" bulalas ni Kyra nang masiguradong buntis na nga si Laureen.
"Paano ito? Ayokong malaman ni Lazarus na magkakaanak na kami! Ayokong munang makasama ang lalaking iyon! Gusto kong dito muna ako!" bulyaw ni Laureen.
"Eh 'di huwag mo ng sabihin. Tahimik lang naman kaming dalawa ni Marvin. Ano pala ang gusto mong gawin ngayon? May gusto ka bang ipakisuyo sa akin?"
"Wala na. Salamat sa pagsama sa akin kanina sa botika. Pasensya ka na kung palagi kitang naaabala."
Nginitian niya si Laureen. "Hindi mo ako naaabala, Laureen. Huwag mong isipin iyan. Actually, masaya nga akong nakilala ka. Dahil kung hindi kita nakilala, hindi ko makikilala si Marvin. Hindi ko mararanasan ulit na mahalin ng totoo. Basta, kung ano ang desisyon mo, susuportahan ka namin. Pero siguro, maina
