Naguluhan si Arowana dahil hindi niya naintindihan ang tinuran ni Alibulan. "Asawa ka rin ni Sidawa?" una niyang tanong dito. Batid niya na ang mga tulad nilang mga Bathala ay hindi tumitingin sa kasarian kapag sila ay nag-aasawa ng kapwa nila Bathala, ngunit ikinagulat niya pa rin na si Sidawa ay may asawang isang lalaking Bathala. At ang higit na ikinagulat niya ay ang malamang hindi naman pala siya nag-iisang asawa nito.
Tumango naman sa kanya si Alibulan. Pinagmasdan ni Arowana nang maigi ang kausap, at maihahambing niya ang gulang ni Alibulan sa gulang ni Purol. Bata pa kasi ang wangis nito, ngunit dahil hindi naman tumatanda ang mga tulad nila ay hindi rin siya tiyak kung gaano na katanda ang isang ito.
"Ngunit paano? Marami siyang asawa? At narinig kita kanina. Ang iyong sabi ay
