Napakabilis ng mga sunod na pangyayari. Namalayan na lamang nina Purol na napapalibutan na sila ng daan-daang mga paniki. Mga paniki na hindi pangkaraniwan ang laki at liksi, lalo na at mahahaba at matutulis ang mga pangil nila. Kaagad ngang nakagat si Purol, ngunit mabuti na lang at nagawa niya itong maiwasiwas palayo sa kanya. Gamit rin ng Ningas, nasunog niya ang ilan sa mga nagpunta sa kanya.
Lumalaban din sa mga paniki ang kaniyang mga kasama. Nariyan si Palong na bihasa sa paggamit ng kaniyang tanikalang sandata. Mabuti na nga lamang at kahit paano'y may liwanag na nagmumula sa apoy ng Ningas kung kaya't maayos niyang natatamaan ang mga paniki gamit ang kaniyang sandata nang hindi nakakasakit sa kaniyang mga ibang kasama rito. Nakagat dion siya ng isa sa mga paniki sa kaniyang may
