Chapter 92
“Ahhh!!!”
“Huwaaa!!!”
Hindi malaman ni Robin ang kaniyang gagawin nang bigla na lamang isubo ng isang halaman si Lica at ngayon nga ay kalahati ng katawan nito ang nakalabas at ang kalahati naman ay nasa loob ng bibig ng isang halaman.
“Sinasabi ko na kasi sa iyong huwag kang masyadong nagdididikit sa mga halaman dito sa dark forest! Alam mo na ito ang pinakadelikadong gubat dito sa lost world!” pagalit ni Liva.
Kanina lamang ay nakapasok sila sa gubat na iyon galing sa daan papunta tharbun. Halos puro gubat ang kanilang nadaraanan. Sabi sa kaniya ni Liva ay nasa pinakadulong bahagi ng gubat ang tuluyan ng mga duwende at tiyak na matutulungan sila ng mga ito upang matagpuan ang susunod na hari ng mga bampira.
Ngunit habang sila ay naglalakad nadikit sa isang halaman si Lic
