“Why I haven’t seen you, Ninang Lulu? I thought I only have one Ninang, and that is my Tita Ninang Claire,” amused na tanong ni Lyke habang nakaupo sila sa lamesang pabilog sa labas ng doll house nito.
Napatingin siya sa anak habang patagilid itong nakaharap kay Lulu. Kumagat ito ng konti sa hawak na pakwan.
“Because, I’m living in Japan, sweetie.”
Nanlaki ang mga mata nito at tila na-excite pagkarinig sa lugar na sinabi ng kaibigan habang napa-hugis O ang bibig nito. "‘Di ba may Disneyland sa Japan? Have you been there, Ninang?”
Ni-refill niya ang bowl nito ng hiniwa niyang mansanas saka nangingiting nakikinig sa usapan ng mag-ninang.
Magiliw at tila naman walang kapagurang sinasagot ni Lulu ang mga tanong ni Lyke mula pa kanina.
“Yes, baby. Do you wanna go there?”
Lalong namilog
