"Anong klaseng tanong 'yan, Ramona? Isa sa sponsors ang doña sa mga aktibidades ng taunang Flores de Mayo at kasama na ang Santacruzan do'n. Naturalmente ipakikilala ka sa mga kapariang amigo niya." litanya ni Josefina.
Sa sinabi niya ay lalo akong nabahala. Hindi ko malulon 'yung kinain ko, parang may nakabara sa lalamunan ko.
"Huwag mong sabihing ngayon ka pa aatras kung kailang nasukatan ka na't lahat-lahat?" may pagbabanta sa tono niya. "Hindi na ko papayag. Ipahihiya mo ang doña sa mga amiga niya kung ngayon ka pa aatras."
"H-Hindi po. Hindi 'yon."
"Eh, ano?"
Tinigil ko ang pagkain at seryoso ko siyang hinarap. "'Wag kayong magagalit pero hindi po ako makapasok sa simbahan. N-Napapaso ako."
Nayayamot siyang napahilamos sa mukha.
"Nagsasabi po ako ng totoo! Kaya ako nasa labas n
