"Elle, hija? Ayos ka lang?" nababahala siyang kinumusta ni Josefina.
Nag-iwas ako ng tingin sa dalaga na hindi ko matagalan ang namumuhing titig sa'kin. Pa'no ko sasabihin sa mayordoma na hindi na ito si Elle? Na ang senyoritong nagbabalat-kayo na ang nasa harapin namin ngayon at hindi na ang babaylan? Sumapi siya, marahil ay nagalit nang subukan kong humingi ng tulong.
Nag dekuwatro ang senyorito sa katawan ng balingkinitan dalaga, kaswal niyang pinalagutok ang leeg sa magkabilang gilid na para siyang bagong gising na kailangang mag-inat. Nasa katawan na siya ng babae pero nag-uumapaw pa rin ang madilim niyang aura na nagpapabigat sa hangin. Kapag nasa paligid siya ay napakahirap huminga.
Hindi ko alam kung anong binabalak niya pero ngayon lang nangyari na nakalabas siya ng mansyon at
