Nagawa kong ipagpaliban ng ilang araw ang pagbalik ko kay Elle salamat sa mga amiga ng doña na nagpupunta sa mansyon araw-araw para pag-usapan ang mga detalyeng kailangan pa plantsahin para sa sa Prusisyon ng Santacruzan. Ang pinaka pinagtalunan nila ay kung pa'no ibabagay sa gown at accesories ko ang kabuuang disenyo ng arko na ipagagawa nila.
"'Wag nating kalimutan na ang diwa ng Santacruzan ay para igunita ang pagkakatuklas sa banal na krus. Hindi ito tungkol sa pagiging magarbo kaya simplehan lang natin ang arko." maganda ang ipinupunto ni Esme pero tinutulan siya ni Regina.
"Ano ka ba naman? Si Ramona ay empleyado ng doña, nirerepresenta niya siya. Hindi natin dapat ipahiya ang doña sa mga taga simbahan kaya bonggahan natin ang arko."
Nahati ang mag-aamiga sa simple at magarbong d
