Ito na ang pinakanakakahiyang pangyayari sa buhay ko! Nagsuot ako ng sexy lingerie at ang mas malala ro'n, lingerie pa pala 'to ng ex ng amo ko. Pa'no ko ipaliliwanag na nasa akin 'to, na suot-suot ko pa't inirarampa sa harap ng limang ginang na kinukunsidera ako sa napakabanal na role ng Reyna Elena?
"Ramona! Ano na naman ba 'to?!" napapitlag ako sa bulyaw ni Josefina. Hindi na 'to biro galit na talaga siya.
"K-Kasi pagdating ko dito nasa labas na ng bintana 'yung mga traje de mestiza tapos wala akong maisuot na magand—"
"Kaya you stole the d*mn lingerie sa mga gamit ni Giovanni?" singit ni Paula. "Otherwise pa'no mapupunta 'yan sa'yo? Regalo sa'kin 'yan ni Giovanni kaya siya ang nagtatago niyan noon pa. You stole a lingerie from a dead man, you thief!"
"Hindi ko 'to ninakaw!" depensa
