Ehra
Nilapitan ako ng babaeng may sopistikadang ganda at kagaya ni Manang Lorna ay ramdam kong hindi nya gusto ang presensya ko.
Nakahalukipkip sya sa akin at pinagmasdan nya ako mula ulo hanggang paa.
May nakakaasar syang ngiti para sa akin at bumaling muli ang kanyang tingin kay Manang Lorna.
“So, sya pala ang bagong kinalolokohan ni Leon?” tanong nya kay Manang Lorna
Bahagya ring lumapit si Manang Lorna sa kinaroroonan ko at pareho na silang may nakaarkong kilay para sa akin.
“Oo, sya nga. Hindi ko nga alam kung bakit yan pinakasalan ni Leon. Di hamak naman na mas maayos ang katayuan mo sa buhay kaysa sa kanya.” Saad ni Manang
Tila nagpantig ang aking tenga sa kanilang mga sinasabi. Kinuyom ko ang aking mga kamao dahil talagang sumasabog sa galit ang puso ko.
“Sa tingi
