ذاكرة العشق"مكتملة"

في شارع راقي وكله مطاعم وفنادق ومولات فباريس توقف عربية لونها أحمر حلوة اوي وشيك وتنزل منها بنوتة جميلة اسمها أروى عندها. ٢٥ سنة لابسة فستان جميل أصفر وفارده شعرها لسود وحاطة نظارة شمس حاجبه لون عينها لسود زي سواد اليل .. وتنزل من الباب التاني بنت حلوة ف نفس سن أروى اسمها آية لابسه بنطلون أزرق وقميص وردي ققلو ببان العربية وراحو ناحية المطعم الل مواعدين صحابهم فيه وهما بيهزرو ويضحكو لحد ما وصلو لطاولة صاحباتهم ميس ومرام وكانو البنات منتظرينهم من وقت طويل.. ميس وهي مكشرة بضيق من تأخرهم : أخيرا رضيت عننا وجيتو ليه كل التأخير ده ردت أروى وهي بتعقد جنبها : والله انا رحت لآية قبل نص ساعة من المعاد علشان عارفه انها متأخرة دايما تصدقو فتحت عني الباب وهي لابسة البجامة وبتقولي ملقتش حاجة ألبسها ميس بسرعة : اية طول عمرها كده جايبان لورا بقى بقالنا اسبوع بنخطط للخروجة دي ليه مشتريتيش حاجة تلبسيها مرام البنت الرابعة : خلاص يابنات كفاية لوم وعتاب وبعدين احنا مين عندنا أغلى من آية علشان نستناها العمر كله لو هي عايزة آية بتصفيق : الله على كلامك الحلو يا مرامي اتعلمو يا بهايم ميس بغيظ ضربتها على راسها : انت الل ب***ة وحمارة وو ألتفت على أروى أخدت بالها من شرودها وهي حاطة ايدها على قلبها .. أروى كانت فعالم تاني خالص حاسة بألم ف قلبها مش عارفة سببه ايه .. والألم بيزيد وهي مش قادرة تركز فكلام البنات فيه أحاسيس كتير جواها مبهمة غامضة قوية فيه حنين وشوق .. لحاجة متعرفهاش وعمرها ماشفتها حاسة ان ناقصها حاحة مش عارفة هي ايه.. الدقات بتزيد والشعور بالتيه بيقوى ميس حست بصاحبتها خصوصا انها حكيت لهم كذا مرة عن الشعور الغريب الل بتحسه : خير يا أروى مالك يا حبيبتي أراوى أروى أروى فاقت على صوت ميس وعلى ايد آية الل بطبطب على ايدها بحنية : ها كنت بتقولو ايه آيه : مفيش حبيبتي انتي كويسة أروى دقات قلبها بتزيد ومبقتش قادرة تسيطر على مشاعرها : اه كويسة حروح اغسل ايده يمكن ابقى أحسن .. وقفت وبخطوات سريعة راحت الحمام الل من حسن حظها كان فاضي .. وقفت قدام المراية بتشوف نفسها كل مرة بتشوف المراية بتحس بحاجة غريبة زي ما يكون ده مش شكلها زي ما تكون وحده غريبة عليها مش هي هي .. بس المره دي قلبها بيوجعها مقبوض زي ما يكون فيه ايد من حديد قابضه عليه حست بالدموع بتنزل من عنيها كأنها شلال هي بجد مش عارفة ليه بيحصلها كده .. بس الل هي متأكدة منه انها تعبت ومبقتش قادرة الالم والمشاعر الل بقالها فترة بتحس بيها قعدت تعيط على حالها وحال قلبها وعلى الوجع الل هي مش عارفة ايه سببه .. ولا حينتهي إزاي ... فلحظة دخول أروى الحمام فيه شابين دخلو المطعم الشاب الأول آسر وده بطل الحكاية شاب وسيم طويل جسمه رياضي بشرته بيضا و شعره اسود قصير مش مهتم بيه .. زيه زي حاجات كتير بطل يهتم بيها من سنين .. عنيه عسلي وفيهم نظرة حزن و**رة الكل قادر يشوفها وهو عمره ماخباها عمره ٣٠ سنة .. الشاب التاني أحمد صاحبه وابن عمه شاب وسيم جسمه رياضي بس جسم آسر أضخم وعضلاته أكتر أحمد شخصية مرحة وطيبة وبحب صاحبه جدا وزعلان على زعله وهو الوحيد الل بيحكيله قد ايه هو موجوع من بعدها عنه ... أحمد شاور على طاولة على جنب بعيد شوية ومنزوية نوعا ما راحو وقعد و وآسر ماشي معاه بس قلبه وروحه وعقله فمكان تاني خالص هو نفسه مش عارف هما فين .. أحمد لاحظ سكوت آسر وشروده .. أحمد : آسر .. آسر انت كويس آسر حاول يسيطر على البراكين القايدة جواه ويرد على صاحبه : لا مش كويس قلبي بيوجعني اوي وبيدق جامد أنا .. أنا حاسس أنها حاسس .. انها موجودة هنا أنا حاسس بيها جنبي ودي مش أول مرة .. حسيت بيها قبل كده اول ما وصلت ولسه في المطار وفي الكلية وف كذا مكان المدينة دي غريبة أوي بتفكرني بيها أكتر من المكان الل كنا عايشين فيه سوا .. بقيت أشوفها ماشية فكل شارع بشوفها كل ما بص فمراية بسمع صوتها مع كل أغنية .. بشم ريحة عطرها فكل الورود .. أنا حتجنن أنا لازم أرجع لندن لو فضلت أكتر من كده حموت حيجرالي حاجة .. أنا بموت .. بموت كل ما حس أنها جنبي وتطلع خيال انا مصدقت اتأقلم مع فكرة اني وحيد وحفضل وحيد لآخر يوم فعمري من غيرها .. بس أول ما جيت هنا وأنا حاسس زي ماتكون راحت مني امبارح .. آسر اتن*د بتعب ورجع راسه لورى وبسرعة مسح دمعة حارقة خرجت من عيونه بس حس أنها مش الوحيدة الل عايزة تعصي أوامره وتخرج وان فيه دموع كتير بتثور عايزة تخرج على أكتر بنت حبها وال حيفضل يعشقها لآخر نفس فيه .. وقف بسرعة واتكلم بصوت مبحوح بيجاهد على شان يطلع من أغلال الحزن والقهر الل مقيداه : معلش يا أحمد انا مش قادر أفضل هنا أكتر من كده أنا حروح سلام أحمد قام بسرعة : أنا حاجي معاك آسر : لا أنا عايز اعقد لوحدي أنا آسف متزعلش مني أحمد طبطب على كتفه : براحتك خلي بالك من نفسك آسر : سلام ومشي بسرعة مش قادر يحبس دموعه ووجع قلبه على حبيبته عشقه الوحيد الي مش بيخف لا دي بزيد وبيحرقه كل يوم أكتر و أكتر من التاني .. لدرجة انه خلاص مبقاش قادر يعيش معاه أكتر من كده زي ما يكون لعنه أبدية تحرق توجع بس مابتموتش ساق العربية بسرعة ورجع الاوتيل ال اصلا مش بعيد من المطعم الل كان قاعد فيه دخل الجناح بتاعه .. رمى المفاتيح بعدم اهتمام وقلع الجاكيت بإهمال .. ودخل الحمام باخد شاور وزي مرات كتير معرفش اذا كان الاكتر المياه ولا الدموع بعد وقت لبس لبس نضيف وأخد سجاد الصلاة وسجد يشكي لربه همومه وآلامه ويناجيه يغفرله ويقدره على احتمال الوجع والوحدة والشوق والحنين ومشاعر كتير .. عند البنات مرام : أروى اتاخرت كتير جوه ميس بحزن على حال صاحبتها : لا متأخرتش لسه مخلصتش عياط قلبي واجعني عليها اوي .. آية : احنا لازم نساعدها مش معقول نفضل شايفينها كده وساكتين مرام اعتدلت فقعدتها : صح انتي معاكي حق احنا لازم نوقف جنبها ميس : معاكم حق يابنات بس الموضوع محتاج قاعدة هادية وسرية من غير ما نعرفها علشان ندرس الموضوع من برا آية : طيب جنجتمع امتى وفين اتفقو بسرعه قبل ما ترجع مرام : عندي انتو تنامو معايا الليلة ونعقد نتكلم براحتنا ميس وآية : تمام ف اللحظة دي أروى خرجت من الحمام ورجعت قعدت معاهم : ايه يابنات بتجيبو فسيرة مين .. أروى لما عيطت ارتاحت كتير فظبطت مكياجها وخرجت تقعد مع البنات ميس : حبيبتي الاول طمينينا انتي كويسة أروى بتنهيدة طويلة : كويسة آية : حبيبتي احكيلنا فضفضيلنا يمكن ترتاحي أروى بحزن : ما انا الل مزعلني ان مفيش حاحة احكيها انا مش عارفة بيحصلي ايه فجأ بحس بحاجات غريبة .. قلبي بيوجعني وبيدق بسرعة .. تن*دت بتعب وهي بتقول .. مش عارفة ليه فيه أحاسيس كتير جوايا وحاسة بالوحدة وبالنقص فيه حاجة ناقصاني مش عارفة هي ايه .. مرام بلوم لصاحبتها : كده بردو يا أروى بقى بتحسي بالوحدة واحنا جنبك أنا زعلت منك أروى بهدوء مسكت ايد مرام وباليد التانية جمعت ايدين البنات وحضنتهم بايدها وتكلمت بصدق : حبيبتي مرامي أنتو مالين عليا حياتي أنا بحبكو جدا وبحمد ربنا على نعمة صداقتكم كل يوم ومتأكدة ان لو كان ليا اخوات عمرهم ماكانو يخافو علي قد ما بتخافو و كملت .. بحزن .. بس للأسف المشاعر دي مش بايدي .. آية حاولت تغير الموضوع واطلعهم من الكآبة الل هوما فيهم : انا عارفة هو يوم باين من أوله .. أكيد فيه حد بصلنا ف الخروجة دي ومفيش غيرها سوزان البنت الرخمة .. إلاهي ما تتجوز الواد مراد يارب توقع ف الحمام ومناخيرها تن**ر .. يارب تتكهرب وشعرها يولع .. يارب ي.. ميس : بس بس كفاية ابو شكلك بيئة آية : نننننننننعم هي مين دي ال بيئة يا قبيحة يا لي مفييكيش رييييحه .. أروى ومرام بيتف*جو وبيضحكو : بوووووم ميس : انا ما بردش على الل أقل مني أروى ومرام : بووووووم آية : حيث كدا بقا ادفعو الحساب ميس : بوووم أروى ومرام : ليه بقى ان شالله ميس : اهو تعملو حاجة مفيدة بدل اقعدتكم دي آية : أكل ومرعى وقلة صانعة أروى : ليه يا ختي كنا قاعدين فبيتك مرام : الل عزمنا هو الل يدفع أيه ؛ ايوه صح واحنا مين عزمنا أروى وميس ومرام بصوت واحد : انتي ايه بصدمة : ايييييييييه مرام : أيو أنا أشهد أروى : وأنا كمان البنات اتغدو وتمشو وبعدين الكل رجع على بيته في بيت أروى دقت باب المكتب .. سمعت صوت والدها بيأذن بالدخول .. فتحت الباب بهدوء شافت والدها قاعد على كنبة كبيرة وجنبه أوراق كتير وملفات مشغولة بيها .. دخلت بهدوء وهو مش حاسس بيها .. أو هي فاكرة كده .. وقفت قصاده وبصريخ باباااااااا معتز ابوها وقف بسرعه وكل الاوراق الل كانت فايده وقعت على الارض : ايه فيه ايه اروى حضنته جامد : وحشتني اوي يا بابا معتز حضنها هو كمان بقوة : حرام عليكي وقعتي قلبي . . انا ممكن استحمل اي حاجة الا اني اشوفك مش كويسه او لا قدر الله يجرالكم حاج انتي او أمك .. أنا عايش علشانكم وبس أروى حضنته بقوة : ربنا يخليك لينا يابابا احنا منقدرش نعيش من غيرك انا بحبك اوي يا بابا معتز بيبوس جبينها : أنا أكتر يا حبيبتي انت روح قلبي .. صوت تصفيق وراهم معتز رفع وشه وأروى التفتت وهي لسه في حضن أبوها تشوف وهي متأكده ان الل بتصفق مامتها أحلام بتصفيق : الله الله .. البنت وأبوها بيحب فبعض وسايبيني .. طب اي حاجة بوسة حضن كلمة حلوة .. هو انا ليه ما بيتقاليش كلام حلو .. ايه مستاهلش .. أروى ضحكت على كلام أمها الل بتقوله على طول لما تمسكهم سوا ومعتز كان مبتسم لحبيبته الل مهما العمر مر عليها إلا ان انوثتها ورقتها مبتتأثرش أبدا لا دي بتزيد .. أروى اتكلمت بحب : تعالي يا مامي يا حياتي .. ومعتز رفع ايده الشمال فإشارة انه عايزها تدخل حضنه أحلام : لا أنا زعلت ومخاصماكم اروى ضحكت من قلبها على كلام أمها وتعابير وشها وقربت منها وباست خدها وايدها : لا كله إلا زعلك أنا مقدرش أنام وأنت زعلانة مني وبصراحة انهاردة البنات تعبوني جدا أحلام بلهفة حضنت بنتها الوحيدة : خير يا حبيبتي انتي تعبانة اروى: لا ياماما أنا كويسة بس جعانة نوم عايزة أنام أحلام باست جبينها : طيب حبيبتي روحي نامي أروى باستها تاني وراحت لوالدها باست خده وحضنته وراحت لغرفتها وهي بتقول : تصبحو على خير معتز واحلام : وانت من أهله يا حبيبتي أحلام قربت من معتز وبصت له بلوم وعتاب : بقى كده ياميمو فاضي لبنتك وأنا لا .. عاملي مشغول وقافل عليك المكتب .. وادخل اقبض عليك بتحضنها .. كده يا ميمو دي آخرتها.. معتز ضحك بصوته كله : هههههههههه بلاش حد يسمع ميمو دي مش كويس علشان هيبتي قدام البنت والشغالين .. وبعدين تعالي هنا .. ولف ايديه حول خصرها .. ولما انتي مهتمة بي اوي كده ليه مبينتيش .. ليه مقولتليش أنت واحشني او انا بحبك . . اي كلمة تبل ريقي .. هو انا مليش نفس احس اني مرغوب منك وانك عايزاني كرجل وكحبيب وكزوج .. يا شيخة ده أنا علشان اسمع منك كلمة بحبك بفضل أخطط شهور .. أحلام ضحكت بدلع ولفت رقبته بايدها وقربت منه : أنت عارف كويس اني مش بس بحبك اني بعشقك .. واني عايزاك كل دقيقة وكل ثانية وان انت الراجل الوحيد الل بيملى عني وقلبي والل معيشني أسعد واحدة ف الكون .. أنا بموت فيك يا ميمو بحبك اوي .. معتز باسها بقوة كل العشق الل جواه و حضنها جامد وشالها وطلع بيها لاوضة نومهم : لا انا لازم ارد بشكل مفصل وموضح على كل كلمة قولتيها ياحياتي ... في جناح آسر  كان نايم على السرير وجنبه ألبوم الصور الل مابيفارقوش وبيسافر بيه دايما .. الألبوم مليان صور لحبيبته .. أخد صورة ليها كانت لابسة فستان ازرق جميل وعاملة شعرها ضفيرة حلوة وبتبتسم وهو ماسك ايدها وبيضحك بسعادة .. اتكلم بحزن .. عارفة انا مش قادر اضحك من يوم ما سبتيني بقى الحزن مصاحبني وساكن معايا .. حتى الالوان معدتش افرق بينها .. الأكل بقى وحش ملوش طعم .. والورد ذابل .. ااااه منك ااااااه كان لازم أعشقك كده وحياتي توقف عليكي .. أنا بقيت جثة عايشة .. اااه تعبت اوي كل ليلة اشتكيلك علشان بس مبرتحش وعمري ما حرتاح .. بقيت غريق فبحر عشقك الل مبيوجع بس .. مخدتش من عشقك غير الألم والوجع والعذاب .. ومع ذلك يا ستي بعشقك بموت فيكي .. انت ملكتي قلبي لك طول العمر .. أنا آسف آسف يا عمري ياحياتي .. أنا عمري ما اسامح نفسي لو مكنتش سافرت يمكن كان زمانك دلوقتي معايا .. عيونه دمعت و بصوت مبحوح : كان زماني عندي اولاد كتير على الاقل أربعه كنتي حتبقي أجمل وأحن أم وكنت حغير من اهتمامك وحبك لاولاد واتمنى تحبيني انا بس . . انا بس الل حبيبك .. اااااه أخد صورة تانية ليهم وابتسم بألم وهو بيقول : في اليوم ده قولتيلي انك بتحبيني .. اااااااه .. عمري ما أنسى اليوم ده ... ورجع بذاكرته لقبل 8 سنين في حديقة فيلا رأفت عبد المجيد الصافي .. الفيلا كبيرة وراقية .. والجنينة كبيرة جدا ومليانة بأنواع كتير ومختلفة من الورود والزهور .. وكانت مريحة للأعصاب وجوها جميل .. آسر وقف يبص على الجنينة بعدما اخد شاور وغير هدومه بعد يوم شغل طويل فشركة والده.. شاف ليلى من شباك اوضته وهي قاعدة على الارض بين الورود والدادة فاطمة جنبها .. كان شكلها حلو اوي .. بريئة وجميلة ورقيقة .. كل ما بيشوفها بيحبها اكتر وقلبه بيدق اكتر .. أخد علبة من جيب بدلته و نزل بسرعة علشان يقعد معاها وينسى معاها يوم طويل ويريح قلبه الل بيسأله طول اليوم عنها وبيقوله يروح يطمنه عليها ... كانت شاردة ومكشرة .. الدادة فاطمة شافت آسر الل شاور عليها بمعنى انها تروح وتسيبهم سوا .. وراحت لداخل الفيلا .. آسر مشي بشويش وفتح العلبة وطلع منها سلسلة جميلة بتحمل حرفي (LA) وحطها على رقبتها بهدوء .. ليلى كانت سرحانة محستش إلا لما السلسلة بقت على رقبتها .. حطت ايدها بتلقائية عليها والتفتت بسرعة .. أول ما شافته نطت بسرعة تحضنه جامد .. آسر كمان حضنها بكل قوته .. وتن*د براحة وسعادة .. بس حس بدموعها على رقبته .. حاول يبعدها يشوف مالها بس هي تمسكت بيه أكتر فحضنها هو كمان أكتر لدقايق علشان تهدي وتتكلم .. واتكلم بحب وحنان : عمري انتي .. مالك مين مزعل حبيبتي رفعت وشها ليه وعنيها مليانة لوم وهمست : أنت آسر نزل بجسمه شوية وحط ايده تحت ركبه والتانية حول خصرها وشالها وراح بيها لمكانهم الل بيتصافو فيه دايما وهو بيقول : لا لا كله إلا زعلك الدنيا كلها تزعل مني .. بس حبببتي متزعلش أبدا أخدها لزاوية بعيدة عن الفيلا ومليانة أشجار .. المكان ده شهد على أحلى أوقاتهم سوا .. على طول لما يزعلو من بعض يتصالحو هنا .. وبيحتفلو هنا .. كل عيد ميلاد وكل مناسبه .. قعد بهدوء وهي لسه بحضنه : حبيبتي علشان خاطري وحياتي عندك كفاية دموع ليلى كانت بتعشقه يمكن أكتر ما بيعشقها وإزاي لاء وهو عوضها عن يتمها وحرمان أبوها وأنها فمسحت دموعها بايدها بسرعة علشان خاطره كبير اوي عندها : خلاص يا حبيبي مش زعلانة آسر باس جبينها وايدها : ممكن أعرف حبيبة قلبي ايه الل مزعلها من حبيبها آسر اشكيلي وأنا حعلمه الأدب ولو يرضيكي أضربه حضربه ليلى ابتسمت ومسكت ايده باست كفه برقة بتجننه وبتخليه ما بيسمعش ولا يشوف غيرها : لا أبدا محدش يضرب حبيببي غيري آسر ضحك : عايزة تضربيني يا ليلتي .. طيب قوليلي ايه الل زعلك وخلاكي تعيطي ليلى : عيطت علشان فرحت لما شوفتك أوي وكمان كنت عايزة اطلع الاحاسيس الوحشه برا قلبي آسر أخد بالها من كلامها : أحساسيس ايه يا حبيبتي ليلى بضيق وحزن : مش عارفة اول ما تروح شغلك أو تسافر .. بحس بقلبي مقبوض وساعات مبقاش قادرة آخد نفسي وبخاف عليك أوي وبحس انك مش حترجعلي .. ليلى عيطت .. وآسر حضنها جامد وسابها اطلع كل الل جواها .. مش عارفة ليه الاحاسيس دي على طول بحسها لما تغيب عني .. ومابرتاحش إلا لما ترجعلي تاني وأحضنك آسر حب يطلعها من الأفكار دي : حيث كده بقى .. انتي بتحبيني صح ليلى ضربته على ص*ره جامد : لا مش بحبك .. حاولت تقوم بس آسر مسك ايدها بيده وبالتانية حضنها بقوة وهو بيضحك : خلاص .. خلاص .. على فكرة انت مأخدتيش بالك من السلسلة وشاور على رقبتها .. ليلى افتكرت السلسلة الل نسيتها من شوقها ولهفتها على آسرها .. بصت على السلسلة بإعجاب وهي بتستكشف الحروف بايديها ابتسمت وعيونها امتلت فرحة : حلوة اوي تجنن يا حبيبي .. ربنا يخليك ليا أنا بحبك أوي .. وقربت أكتر وباست خده بقوة وبعدت عنه وهو لسه حاسس بشفايفها على خده آسر : اااااه أجمل بوسة بس لو كانت بمكانها الصح ليلى ابتسمت وباسته تاني آسر نفسه يعلمها البوس إزاي بس بيصبر نفسه أنها كلها شهور وتبقى مراته فعليا مش بس كتب كتاب وساعتها بقى حينتقم من شفايفها دول أحلى إنتقام آسر وهو بيرفعها علشان تقابل رقبتها وشه : طيب وريهالي ليلى بطيب نية وقفت على ركبها ولفت ايدهاعلى رقبته آسر قرب وابتبدى يمشى مع السلسلة بشفايفه ويبوس رقبتها وهو بيهمس بكلماته : حلوة ..روعة جميلة .. فاتنة .. ناعمه .. اه .. رائعة ... ليلى اتخدرت من همساته وبوساته وحركاته واستسلمت له .. آسر بعد عنها بالعافية وحضنها تاني بقوة وهو بيهمس من كل قلبه: أنا بحبك .. لا أنا بعشقك .. أوعي تفكري فيوم اني ممكن أبعد عنك ابدا أبدا انتي حبيبتي واختي وصاحبتي وكل حياتي انا بموت فتراب الل بتمشي عليه .. ومابحلمش بأكتر من حضنك . . أمنيتي الوحيدة أكتبك على أسمي وتعيشي معايا كل العمر وتجيبلي أولاد كتير يسندونا لما نكبر ونعجز سوا .. الآن اتكتبتي على اسمي بس ضعت مني .. كل الل كنت خايفة منو وحاساه حصل .. وأولما سافرت اتحقق أسوء كوابيسي ... اااه ياحبيبتي .. اااه يامراتي ... اااه ياقلبي اااااه .اااه يا ليلى يترى أنت فين دلوقتي . . ..... ايه حكاية آسر ؟ ليلى فين وحصلها ايه ؟ ومالها أروى وايه هو السر الل بيربطهم ببعض ؟ تابعوني ذاكرة العشق