"Prof. Fernandez, may bagong student pong nanggugulo," salubong na sumbong ni Chabelle sa bagong dating.
Ito pa talaga ang unang lumapit sa professor at ang gaga halatang nagpapaawa. Kung kanina ay mukha itong palaban ngayon ay talo pa iyong bidang pinagtulungang api-apihin.
Hindi agad ako napansin ni Prof. Fernandez dahil tumuon ang buong atensiyon niya kay Chabelle. Talaga namang agaw-pansin ito dahil sa magulo nitong hitsura.
"What happened to you?" nanggilalas na tanong ni Prof. Fetnandez kay Chabelle matapos suyurin ng tingin ang babae.
"Tinapunan po ako ng fruit shake," mangiyak-ngiyak na sumbong ni Chabelle.
Pinigilan kong mapaismid sa kadramahan nito.
"At nasaktan din po si Kirk," dagdag pa nito at tinuro ang kaibigang nakahiga pa rin sa sahig.
Mukhang nawili na yata roon
