Lumanghap ako ng sariwang hangin sa nakabukas na bintana sa gilid ko, kahit pa puro usok iyon galing sa mga sasakyan para lang pigilan ang sarili na huwag matawa sa sinabi ni Brandon.
Ilang segundo yatang pagtitimpi ang ginawa ko hanggang sa hindi ko na rin makayanan. Kumawala ang malakas na pagtawa ko. Marahas akong hinarap ni Brandon habang maang na pinapanood ang paghalakhak ko.
"Pasaload?" hindi makapaniwalang pag-uulit ko. Pasaload? Really? Seryoso ba siya?
Sa sobrang katatawanan ko ay hindi alintana sa akin ang mariin at matalim na paninitig ni Brandon. Baliwala iyon sa akin. Hawak ko na rin ngayon ang tiyan ko nang maramdamang namimilipit ito.
Nang hinarap pa si Brandon ay itinuro ko siya habang tumatawa pa rin. Samantala ay para naman siyang na-offend, tanaw na tanaw ko ang tul
