SHANTAL
So, kung hindi ko siya sasagutin ay iiwan niya ako? Ganoon ba 'yon?
Sa naisip ay hindi maiwasang lingunin ko ang gawi ni Brandon. Naroon siya sa kabilang banda kung saan nasa kumpulan ng mga groomsmen. Samantala ay narito naman ako sa kabila at katabi si Ate Jacky na siyang maid of honor.
Nasa hilera rin sina Ate Vanessa at iba pang kaibigan ni Ate Venice, kasama si Ate Tyra na isa rin sa bridesmaid. Maingay pa sa loob ng simbahan, may mga nagkukwentuhan at ang iba ay matamang naghihintay sa pagbubukas ng malaking pintuan ng simbahan.
Sakto namang paglingon ko kay Brandon ay kaagad kong naabutan ang mga mata niyang tila nadikit na sa akin. Kanina, kung hindi pa dumating ang wedding organizer para ayusin ang pila sa pagpasok ay hindi pa kami mapaghihiwalay na dalawa.
Ngayon ay
