Nangingitngit ako nang makapasok ako sa bahay at iniwan na ang dalawa sa labas na mukhang may hinihintay pa. Hindi naman din ako galit. Naiinis lang dahil sa labis na kahihiyan. Kaya pala ganoon na lang ako tingnan ng kambal kanina sa kotse.
Lalo na ni Kuya! Kaya pala akala mong mangangain na siya ng buhay. Kaya pala titig na titig siya sa akin at may matang malisyoso. Gusto kong sabunutan ang sarili dahil sa katangahan. Hindi ko naisip 'yon, ah?
Hindi man lang sumagi sa isip ko, na oo nga 'no? Hindi naman pala smudge proof itong lipstick ng make up artist na 'yon! Hmp! Napahiya ako. Hiyang-hiya ako to the point na gusto ko na lang din umakyat sa kwarto at magkulong maghapon.
Ayaw kong magpakita kay Kuya. Ayokong magpang-abot kami, o kahit ang mapag-isa sa iisang lugar dahil baka kapag
