"Huwag ka ngang sumigaw, inaantok pa ako," kalmadong pakli ni Amaury sa kaniya. Tumalikod pa ito sa kaniya at muling natulog.
Napalukot naman siya ng noo dahil parang hindi big deal sa binata ang nangyayari. "Hoy, tumayo ka nga riyan! Bakit nandito ka sa kuwarto ko? Ano ang ginagawa mo rito?"
Humarap ito sa kaniya, "Pumunta ako rito kagabi tapos sobrang taas ng lagnat mo. Nang aalis na ako ang sabi mo, manatili ako sa tabi mo at huwag kitang iiwan. You even stayed up all night hugging me."
"Ano?! Hindi ako naniniwala sa sinasabi mo. Lumabas ka na ng kuwarto ko bago pa kita paliparin palabas!"
"Porke't magaling ka na, pinapaalis mo na ako. Hindi ka man lang magpasalamat na binantayan kita buong gabi. Hindi nga ako nakatulog dahil sa lakas ng hilik mo," pakli nito.
"Ako, humihilik?
