"Saan ba kasi tayo pupunta?" tanong niya habang nakaangkas siya sa motorsiklo ni Claude.
"Humawak ka na lang. Huwag ka nang magtanong pa dahil malalaman mo rin mamaya kung saan tayo pupunta," tugon nito sa kaniya.
"Okay." Mabilis magpatakbo ang binata kaya kailangan niya talagang yumakap dito. "Uy, dahan-dahan naman! Parang lilipad na tayo sa bilis mong magpatakbo!"
"Hindi naman nga mabilis, e. Gan'to 'yong mabilis," pakli nito. Mas pinabilisan nito ang takbo ng motorsiklo kaya parang tanga siya sa kasisigaw sa sobrang takot.
"Claude! Tama naaaaa! Baka madisgrasya tayo!" hiyaw niya pero hindi siya nito pinakikinggan. Pakiramdam niya ay mababaliktad na ang labi niya dahil sa lakas ng hanging nasasalubong nila. "Hoy, ano ba?!"
"Haaa?! May sinasabi ka ba? Wala akong naririnig," tugo
