Simula nang bumalik na ulit si Savanna ay madalas nang makipagkita si Andy sa kaibigan, lalo na kapag wala itong pasok. Kung meron naman ay pumupunta siya sa mall kung saan ito nagtatrabaho.
Sobra niya itong na-miss kaya naman palagi siyang nakikipagkita dito. Hindi sapat sa kanya ang ilang oras lang nilang pagkikita o pagsasama dahil may trabaho ito. Mabuti na lang at hindi pa ito nakukulitan sa kanya.
“Baka magselos na si Alec niyan sa akin, ah.” Napatingin si Andy kay Savanna dahil sa sinabi nito.
Nandito sila ngayon sa isang canteen dahil lunch time na ng kaibigan niya. Talagang tinansya niya ang oras na tanghalian na nito para makasabay niya itong kumain at makausap na din sila.
“Bakit naman magseselos ‘yon sa ‘yo?” tanong niya saka sumubo ng kanin.
“Eh, kasi imbes na siya ‘yong
