Malaki ang ngiti sa labi ni Savanna nang makapasok muli sa bahay ng mag-asawa. Dahil sa hindi tinanggap ni Andy ang bahay ay napunta ito kay Alec kaya ngayon ay dito sila titira at dito din sila bubuo ng pamilya ni Alec.
Pumunta siya sa masters bedroom saka napangiti. Sa wakas, nakuha na din niya ang kwartong ito. Ang kwarto na ipinangako niya sa kanyang sarili na magiging kanya din balang araw. Napatingin siya sa paligid. Siya na ang bagong may-ari, at reyna, hindi lang ng kwartong ito kung hindi pati na din ang buong bahay.
Kapag talaga may gusto ka ay huwag kang tumigil hangga’t hindi mo ‘yon nakukuha. Pasasaan pa’t makukuha mo din ang gusto mo kapag nagsumikap ka. Iyan talaga ang mga salitang itinaga niya sa isip. Hindi siya sumuko na makuha si Alec kaya ngayon ay nakuha na niya ang
