Nanigas si Andy sa kinatatayuan niya nang makita ang posisyon ng asawa niya at ng kaibigan niya. Nakahiga sa sahig si Alec—nakabukas ang dalawang butones nito kaya nakikita na ang matipuno nitong dibdib—habang nasa ibabaw naman nito si Savanna na magulo ang buhok.
Ayaw man niyang mag-isip ng masama ay hindi niya magawa dahil sa nakikita niya ngayon. Ang mas ikinagulat pa niya ay ang makitang magkalapat ang labi ng mga ito sa isa’t-isa.
“Andy, it’s not what you think.” Malakas nitong itinulak si Savanna dahilan para malakas itong mapaupo sa malamig na sahig saka mabilis itong tumayo. Inayos nito ang sarili, ang buhok nitong nagkakagulo. “Natumba lang ako—”
Natawa siya nang mapakla. “Let me guess, natumba kayong dalawa at hindi sinasadyang maghalikan kayo? Gano’n ba ‘yon?” Hindi agad ito
