“Nasaan si Andy?” tanong ni Alfred sa asawa nang mapansin na wala ang anak sa hapagkainan.
“Nagpaalam siya sa akin na aalis muna.”
Napakunot-noo naman siya. “Saan naman siya pumunta?” Napatiim-bagang siya. “Pinuntahan niya ba ang hayop na ‘yon?”
“Mind your word, Dear,” mahinahon nitong sabi pero alam niyang wina-warning-an na siya nito. Napabuntong-hininga ito. “Wala tayong magagawa sa gustong gawin ni Andy. Kahit kasi anong payo natin sa kanya ay sarado ang isip niya. Susundin niya pa din kung ano ang gusto ng puso’t isip niya.”
“Iyon na nga ang ikinaiinis ko, eh. Bakit hindi siya madala sa isang sakit? Bakit kailangan niya pangsaktan nang paulit-ulit ang sarili? Gusto niya bang ubusin ang sarili?”
“Minsan kailangan nating masaktan nang paulit-ulit hanggang sa maging manhid tayo. Nan
