“A-Ang dami naman ata niyan, Best,” sabi ni Savanna kay Andy nang makapasok ito sa kusina.
Madami kasi siyang niluto na spaghetti na ilalagay niya sa mga medium size na styrofoam. Sakto ang bilang ng mga ito para sa mga bata at sa mga tao na nasa bahay ampunan. Talagang hiningi niya kay Mother Judith ang tamang bilang ng mga tao na nasa bahay ampunan para mabigyan niya ang lahat.
“Tama lang ito para sa mga bata at tao sa bahay ampunan.” Pinaglalagay na niya sa mga styrofoam ang niluto niyang spaghetti.
“Seryoso ka ba talaga diyan, Andy?” Napatingin siya sa kaibigan habang pinagpatuloy ang ginagawa. “Gagastos ka talaga ng ganito kalaki para lang sa mga batang ‘yon?” tanong nito habang nakatingin sa mga nasa mesa.
Maliban kasi sa spaghetti na dadalhin niya para sa mga ito ay bumili din
