“Kumusta na po si Andy, Mom?” tanong ni Alec nang makapasok sa bahay ng mga magulang ni Andy.
Kakauwi niya lang galing sa trabaho at dumiretso na siya sa bahay ng hipag para kumustahin ang asawa. Nagdala na din siya ng mga pagkain para sa mga ito. Bumili din siya ng mga prutas dahil nabalitaan niya na hindi masyadong kumakain ang asawa. Kahit sana prutas ay kumain ito para kahit papaano ay may sustansya pa din ang katawan nito.
“Gano’n pa din. Nagmumukmok pa din siya sa kwarto niya.” Napabuntong-hininga ito.
Isang linggo na ang nakakalipas ay hindi pa din nagiging maayos ang asawa niya na mas lalo niyang ikinapag-alala. Malungkot pa din ito at wala silang magawa para dito. Gusto man niyang samahan ito ay gusto naman nito mapag-isa. Hindi niya tuloy ito maalagaan ng maayos.
“Puntahan ko
