“May babae ka nga ba, hon? Kaya ba hindi ka man lang nasasabik na uwian ako at makasama ako ay dahil may babae ka?” tanong ni Eve sa wedding photo nila ni Elmer na nakadisplay sa sala ng bahay.
Kahit ayaw naman din mag isip ng masama ni Eve sa kanyang asawa ay bakit nga naman parang may iba rito?
Para bang magkakilala lang sila. Parang magkaibigan at hindi mag asawa.
“Hindi ko yata kakayanin kung sakaling totoo na may babae ka talaga, hon,” dagdag pang sabi ni Eve kahit wala naman talaga siyang kausap.
Sa pagmumuni muni at katahimikan ng gabi ay narinig ni Eve ang pagtigil ng pamilyar na tunog ng sasakyan.
Si Adan.
Nakauwi na ito mula sa trabaho.
Kinuha ni Eve ang tupperware na may lamang ulam na ibibigay sa kapitbahay na binata.
Gusto rin kasi ng makakausap ni Eve dahil kinakain s
