“ELOISA?” Gulat na gulat si Lorraine nang makita siya nito sa may pintuan ng tinutuluyan nitong apartment habang nasa tabi niya ang isang maleta. Mag-isa lang ito doon kaya ito agad ang naisipan niyang puntahan nang palayasin siya ni Daisy sa bahay nito.
Isang alanganing ngiti ang pinakawalan ni Eloisa. “Hi. Pwede bang pumasok?”
“Oo naman. Halika, tuloy!” Nilakihan ni Lorraine ang pagkakabukas ng pinto at tinulungan siya nito sa pagpasok ng dalang maleta.
Dumiretso na siya ng upo sa maliit na sofa kung saan ay tinabihan siya ng kaibigan.
“Saan naman ang lakad mo at may bitbit kang maleta? Mag-a-abroad ka ba, frenny?”
“Frenny… P-pinalayas ako sa bahay, e,” pag-amin niya habang nakayuko.
“Ano?! Sino?!”
“Mama ni Theo.”
Natampal ni Lorraine ang sarili nitong noo. “Seryoso?! Grabe naman
