HINDI mapakali si Eloisa habang nasa salas siya ng apartment ni Lorraine. May upuan naman pero mas pinili niyang tumayo na lang at maglakad-lakad. Hindi pa niya kasi alam kung paanong pagsalubong ba ang gagawin niya kapag dumating na si Theo. Wala rin naman siyang ideya kung anong oras ito darating ngayong araw. Iyong cellphone naman ni Lorraine ay nakalimutan niyang hiramin dito para sana may kontak siya sa asawa.
Sabagay, mas maganda din naman itong masu-sorpresa siya sa pagkikita nila ni Theo. Parang napakatagal naman niya itong hindi nakita kung makaasta siya. E, sa iyon ang nararamdaman niya. Para siyang pinarusahan nang magkalayo silang dalawa tapos bagong kasal pa lang sila. Ngunit naiintindihan naman niya kung bakit kailangan nitong magtrabaho sa malayo. Para din naman iyon sa pam
