Hindi ko rin alam kung ano’ng nangyari sa akin at bigla na lang umigkas ang kamay ko at sinampal siya ng malakas. Bahagya pang napalingon sa gilid ang ulo niya dahil sa lakas ng sampal ko. Pero walang-wala iyon sa sakit na nararamdaman ko ngayon. Parang sa isang iglap ay naglaho ang lahat ng natitirang pag-asa sa akin. Biglang gumuho ang mundo ko at ang matinding pagkadurog ng puso ko ay lalong nagpapalala ng sakit at pait na nararamdaman ko.
“How dare you! Of all the people, Sander! Of all the people in this entire world, ikaw talaga ang magsasabi sa akin ng ganiyan? Sa buong panahon ng pagsasama natin at sa lahat ng pinagsamahan natin, akala ko… akala ko ikaw ang unang taong maniniwala sa akin,” halos hindi na ako makapagsalita ng maayos sa sobrang paninikip ng dibdib ko.
“Iyon din an
