Panabay din niya akong sinabunutan at napa-igik ako nang maramdaman ang hapdi sa anit ko. Ayoko sana siyang patulan pero nanakit na talaga iyong anit ko kaya napilitan akong sabunutan na rin siya. Pero dahil mas matangkad siya sa akin ay mas kontrolado niya ako. Kaya ginamit ko ang tuhod para sikmuraan niya.
“Ah!” napadaing siya at hindi ko naiwasan agad ang sampal niya. Pero bilang ganti ay sinampal ko rin siya. Pagkatapos ay ako naman ang sumalakay sa kaniya hanggang sa matumba siya at mapahiga sa sahig. Panay ang hampas at sipa niya sa akin ngunit muli kong naabot ang mahaba niyang buhok at muli kong hinila.
“Sumusobra ka na!” sigaw ko sa kaniya at sinampal siyang muli. Naabot niya rin ang buhok ko kaya napahiyaw ako sa sakit. Pero nagulat ako nang biglang sumigaw si Kiara. Natigilan
