Saglit akong napatunganga sa biglang pagsulpot ni Ate Lirah sa opisina ko matapos pumutok ang hiwalayan nila ni Vonn.
Ito iyong una naming pagkikita matapos iyong huli naming pag-uusap sa cafeteria.
"Wala ka bang trabaho?" kunot-noo kong tanong.
Pasimple kong pinasadahan ng tingin ang ayos niya.
Hindi siya naka-corporate attire na kalimitan niyang suot tuwing nagtatrabaho.
Nakasuot siya ng floral dress at unang tingin ay di siya mukhang si Lirah Dela Razza na laging nakipagtagisan ng talino sa ibang mga negosyante sa loob ng boardroom.
Hindi rin siya mukhang broken hearted. Ang totoo ay mas masaya ang aura niya ngayon at walang indikasyong kahihiwalay lang niya sa kanyang fiance na ilang taon din niyang naging kaibigan at boyfriend.
"I'm on vacation, at last," maaliwalas ang mukha
