Ilang minuto matapos umalis si Ate Lirah ay siya namang pagdating ni Calix.
Napataas ang kilay ko nang mapansin ang pangingislap ng mga mata niya habang nakangiting papalapit sa'kin.
Nang mapansin niyang nakatingin ako ay bigla siyang kumindat sa'kin sabay kagat ng kanyang pang-ibabang labi.
Ang harot niya talaga!
Mabilis akong napalingon-lingon kahit alam ko namang walang ibang tao rito. Gusto ko lang makasigurong walang nakakita sa ginawa niyang iyon at sa alam kong pamumula ng buo kong mukha.
Ilang buwan na kaming mag-asawa pero di pa rin siya nagmintis na pabilisin ang t***k ng puso ko gamit ang makapigtas underwear niyang ngiti tapos sinabayan pa niya ng kindat.
Diyan niya ako kalimitang nagogoyo, sa pakindat-kindat at pakagat-kagat labi niyang pakulo. Kapag ganyan na siya ay a
