Matapos magpaalam ay hinila na ako ni Calix paalis at naiwan namin si Vanna na di pa rin nakahuma mula sa pagkakagulat.
Di ko na nga nagawang lingunin ito dahil napilitan akong umagapay sa malalaking hakbang ni Calix dahil hawak-hawak niya ang kamay ko.
Hindi pa rin niya ako binitiwan nang makasakay kami sa elevator.
Bigla akong naubusan ng sasabihin dahil tuwing napapadako ang tingin ko sa mukha niya ay ngingitian niya ako. Iyong klase ng ngiting nanunuot pati sa kaibuturan mo.
Alam kong marami ako kaninang gustong sabihin eh, pero di ko na maalala ngayon.
Bakit ba kasi ngiti nang ngiti itong si Calix? Ganito ba siya kasaya sa unang araw niya sa trabaho?
Pinukol ko siya nang matalim at nagdududang tingin.
"Kahit na tunawin mo pa ako ng matalim mong titig ay wala ka talagang mal
