"Ha?! Sinasabi niyo ba na hindi pa mahahatulan ng kaparusahan ang binatang duke?!" naiiritang komento ni Valarie nang marinig ang balita, "Dalawang araw na ang lumipas mula ng mahuli siya di ba?! Ano ang dahilan?!"
Maya't maya na nga siya na nag-aabang nang anunsiyo kung kailan isasagawa ang paglilitis kay Duke Cailen. Ngunit halos mamuti na ang kanyang mata sa pag-aantay ay walang anunsiyo na nangyari. Kaya hindi na siya nakapagtimpi kundi subukan na lapitan si Viscount Jarmel para alamin ang nangyayari.
"Alam ko na katulad ko ay labis ang pagnanais mo na mawala na si Duke Cailen. Pero kasi... Nais gamitin ng hari ang pagkakataon na ito para kay Prinsipe Beau," pagrarason ni Viscount Jarmel sa desisyong ito ng hari, "Sa ganoon ay iisipin ng lahat na isa siyang bayani bago maipasa sa kan
