Nagpatuloy ang malamig na pakikitungo sa akin ni Senyorito ng mga sumunod na araw. Hindi na niya ako pinapansin sa tuwing magkakaharap kami. Papansinin man, kung may ipag-uutos lamang. Ilang beses kong sinubukang kausapin siya sa personal o sa text, pero wala akong natanggap na reply mula sa kanya.
Hindi na rin ako nakakapaglinis sa kwarto niya dahil ayaw na raw niya. Inutos pa niya iyon ka Lola Sima na sabihin sa akin. Inisip ko pa nga na hindi niya gustong maistorbo dahil pagod siya sa naging lakad niya kasama si Senyorita Bea nang araw na iyon. Ayon kasi sa isa sa mga tsismosang katulong ng mansyon ay halos maghahating-gabi na nakauwi si Senyorito. Pero nang sumunod na mga araw at hanggang ngayon ay hindi na talaga siya nagpapapilinis ng kanyang kwarto. Nanlumo ako.
Ayos lang naman
