21

1904 Words

أسر راح عند رؤى يطمن عليها هي و ابنه عشان هيعمل العمليه تاني يوم راح وقف بعربيته قدام بيت رؤى و هو مش عارف ممكن تتقبل زيارته و اللا لا فجأه شاف واحد طالع بيت رؤي قعد ربع ساعه يستنا الراجل ينزل منزلش فجأه افتكر كلام ايمان مرات أبوه أن هو متأكد أن ابن رؤى ابنه فجأه الدم غلي في راسه و اخد المسدس من العربيه و طلع بسرعه يخبط جامد علي الباب محمد راح فتح الباب ، في ايه مالك مابراحه عالباب رد أسر وقاله ، هو فين اكيد جوه مع المدام المحترمه رد محمد و قال ، هو مين ده ما تحترم نفسك اجدع انت ، أسر زقه و طلع المسدس و دخل اوضه رؤى و قال ، بتخونيني يا زباله و فجأه وقف مصدوم من اللي شافه هو مين ده هو في ايه نرمين ، انت ايه مش لاقي حد يوقفك عند حدك ،دخل محمد وقاله ، اتفضل بره عشان مش عايز امد ايدي عليك و اهينك في قلب بيتنا رؤى سندت علي نرمين و قالت ، نيميني علي السرير يا نرمين نيميني مش قادره اقف الدكتور ، هو في ايه انا لسه مكملتش الجلسه رد أسر وقال ، جلسه ليه مقولتليش يا رؤى ليه محدش قالي ، رؤى ، دكتور معلش خلاص بلاش جلسه انهارده معلش رد الدكتور و قال ، تمام عن اذنكم يا جماعه و خرج أسر ، حد يرد عليه محدش قالي ليه اللي حصل رد محمد و قاله ، بص بقا اجدع انت ا. قاطعته رؤى بزعيق و قالت ، محمد خلاص معلش سيبونا لوحدنا لو سمحتم ، محمد و نرمين خرجوا و قفلو الباب رؤى ، انت عايز مني ايه تاني انت مش هترحم بقا ده لو الذنب بيغفر بالعذاب يبقي انا اتغفرلي ذنوب الدنيا من اللي شوفته معاك وصلت انك تهني في شرفي يا أسر وصلت لكده تاني ، رد أسر وقال ، والله العظيم انا اسف بس انا كنت جاي أودعكم انتي و ابني قبل ما اعمل العمليه بس قلقت من الراجل ده و هو طالع و بعدين محدش كان قالي انك كده ليه مقولتليش يا رؤى ليه ده انا اكتر واحد ا ، قاطعته رؤى وقالت ، اكتر واحد اتسبب في عذابي انت السبب في اني مش عارفه اقف على رجلي انت السبب في أن المخده اللي قدامك دي كل يوم دموعي بتنزل عليها بسببك انا مش قادره افتكرلك حاجه كويسه يا أسر بيه خلاص كل حاجه منك بقت بتوجعني رد أسر بدموع وقال ، و الله العظيم ا قاطعته رؤى و قالت ، كفايه بقا حلفان انت اناني مبتحبش غير نفسك انا مش هقدر اعيش معاك و لا هقدر اسامحك و افرح بقا و اتبسط انا اتشليت يا أسر اشمت فيا براحتك بقا رد عليها وقال ، اشمت اشمت في روحي. يا رؤى اقسم بالله انا تايه من غيرك لو سمحتي خليكي معايا لو غلط فيكي اعملي اللي عايزاه فيا انا ممكن اموت في العمليه و تخلصي مني خالص بس ارجوكي لو مت سامحيني و متقوليش لابني انا عملت فيكي ايه عشان خاطر الاقي حد بيترحم عليه بعد ما اموت يا رؤى ارجوكي ردت رؤى و عينيها كلها دموع ، امشي يا أسر معدتش عايزه اشوفك تاني امشي خالص من حياتي رد عليها و قال ، طب اشوف ابني ابوسه جايز ما اشوفهوش تاني رؤى ، ابنك مع نرمين في اوضتها أخرج خليها تكلمني معلش خرج أسر ينده لنرمين تكلم رؤى نرمين ، ايوه يا حبيبتي. ردت رؤى وقالت ، هاتي ادم لاسر يشوفه عشان يمشي من هنا عايزه انام أسر اتحرج من رؤى من اللي قالته قدام اختها و راح قايل ، خلاص يا رؤى مش عايز حاجه عن اذنكم و مشي من غير ما يشوف ابنه نرمين ، ممكن اقول حاجه يا رؤى رؤى ، اتفضلي يا نرمين ، ردت عليها وقالت ، انتو ليه بتعاندو بعض و انتو الاتنين بتموتو في بعض رؤى ، هتصدقيني لو قولتلك انا مش عارفه ردت عليها وقالت ، طب انتي حاسه بأيه دي الوقت يا رؤى ردت عليها وقالت ، قلبي وجعني اوي عليه وخايفه يحصله حاجه اول ما قال إنه هيعمل العمليه بكره و سامحيني لو مت اقسم بالله كأنك سكينه و حد دبها في قلبي انا خايفه اوي عليه يا نرمين و الله العظيم انا لسه بحبه و عمر حبه في قلبي ما قل حتي بعد اللي حصلي بسببه ردت نرمين عليها و قالت ، ارجعي لأسر يا رؤى ارجعي و عيشي معاه اجمل ايام حياتك و أن شاء الله هيعمل العمليه و هيخرج بكره سليم باذن الله ردت عليها وقالت ، يارب يا نرمين يارب فجأه الباب خبط نرمين ، أما اروح اشوف مين عالباب وراحت فتحت لقت ساره و ادم معاها و معاهم رؤى بنتهم ادم شيلها ساره ، نرمين قلبي يا ناس وحشتيني والله العظيم ردت عليها وقالت ، والله انتي اكتر يا روحي تعالي اتفضلو و دخلتهم الصالون اللي رؤى لسه شرياه جديد اول ما خدت الفلوس و راحت قالت لرؤى و ركبتها الكرسي المتحرك و دخلتها ليهم الصالون ساره بصدمه ، رؤى اي ده في ايه ردت رؤى. ، الحمد لله كلها نعم المهم اخباركم عاملين ايه رد ادم عليها وقال ، الحمد لله كويسين انتي ليه مقولتيش اللي حصل يعني مش من حقنا نعرف اللي حصلك . ردت رؤى وقالت ، الحمد لله انت مكنتش عايزه اقول لحد عشان مكنتش عايزه أسر يعرف حاجه بس خلاص هو عرف كل حاجه خلاص رد ادم عليها وقال ، واحنا من أمتي بنقول لأسر حاجه انتي مش عايزاه يعرفها ساره ، خلاص يا ادم حصل خير المهم انتي كويسه يا حبيبتي و ابنك كويس ردت رؤى و عينيها كلها دموع و قالت ، انا انا مش كويسه خالص يا ساره انا تعبانه اوي والله تعبانه اوي ساره قامت و قعدت جنبها و قالت ، اهدي يا رؤى و الله العظيم هتبقي كويسه أن شاء الله خير متخافيش انا هسأل كذه دكتور و اكيد في امل ترجعي زي الاول متخافيش متخافيش يا رؤى ردت رؤى وقالت لها ، انا مش زعلانه علي رجلي قد مانا زعلانه ع قلبي أسر كان هنا و قالي إنه هيعمل العمليه الصبح و كان عايز يشوف ابنه بس انا جرحته بكلام خلاه يمشي من غير ما يشوفه انا لو أسر حصله حاجه انا مش هسامح نفسي و الله ما هقدر اسامح نفسي . رد ادم و قال ، طب بتعاندو بعض ليه ما ترجعوا لبعض و ريحوا قلوب بعض عشان خاطر ابنكم رؤى ، مش عارفه كل ما بصفاله بيعمل حاجه يرجعني العن من الاول أسر جه هنا و شاف الدكتور بتاع العلاج الطبيعي فكرني بخونه و داخل يشتمني قدامه و في أيده المسدس و أما شافني و اقفه سانده علي عكاز و نرمين اختي مسكاني فهم اللي مكنتش عايزه اعرفهوله انا مش عارفه اعمل مع أسر ايه تعبت منه و من كلامه اللي عالطول شايفني خاينه رد ادم و قال ، أسر ضحيه واحده خليته يشوف كل الستات خاينين يا رؤى أسر تعب نفسيا بسببها رؤى باستغراب ، ازاي يا ادم ممكن اعرف في ايه ادم رد عليها وقال اللي هقولك ده سر ياريت أسر ميعرفش عنه حاجه أسر كان بيحب ايمان مرات أبوه رؤى بصدمه ، ايه بيحب مرات أبوه ادم ، ممكن تسمعيني للآخر بعد اذنك رؤى ، تمام اتفضل ادم ، أسر من حوالي خمس سنين كده كان اتعرف على ايمان كان ماشي بالعربيه بتاعته و فجأه خبط فيها و هي معديه اخدها المستشفي اتجبست و قعدت فتره في المستشفي و أسر كل يوم يروح يطمن عليها لحد ما اتعلق بيها و حبها و خروجات بقا و فسح فجأه ايمان اختفت خالص من حياته و رجعت بعد شهر مع أبوه الاستاذه طمعت في الفلوس و اتجوزتها و في الاخر بعد ما حرقه قلبه عرضت نفسها عليه هو رفض و ساب الفيلا بتاعت أبوه و راح الفيلا اللي هو فيها و بعدين يا ستي يوم ما كنتم في المستشفي كلمته و قالت له أن أبوه تعبان سابك في المستشفي وراح اكتشف أن أبوه بره مصر و ان هي اللي عايزاه طلبت منه يعيشوا مع بعض في الحرام هو رفض و قالها انا بحب مراتي و مراتي حامل و انا عايز اعيش لابني و مراتي و بس الاستاذه بقا ربنا يسامحها و يرحمها قالتله أنك متأكد أن اللي في بطن مراتك ده ابنك سابها ومشي بس الشيطان فضل يلعب في راسه راح للدكتور عايز يتأكد من أنه ابنه احمد اخوكي سمعه و حصل اللي حصل رؤى بدموع طب هو صدقها ليه و شك فيا رد ادم عليها وقال ، عشان الاستاذه قالتله انها عارفه حكايه الشقه و الموضوع اللي كنتي دخلتي السجن بسببه فده كتر شكوكه و ثم إن واحد لو مر باللي هو مر بيه اكيد مكنش هيبقي عنده ثقه في حد خالص حتي لو كانت أمه رؤى انصدمت وقالت ، وهي ايه عرفها موضوع الشقه ادم ،. علمي علمك يا رؤى رؤى ، تمام انا كده الرؤيا وضحت قدام عنيا ادم ، فكرى مع نفسك يا رؤى شوفي انتي عايزه ايه قبل فوات الاوان ياللا يا ساره ساره قامت و قالت ، ماشي يا ادم مش عايزه حاجه يا رؤى ردت رؤى وقالت، ما لسه بدرى يا بنتي اقعدوا اتغدوا معانا . ردت ساره و قالت ، مره تانيه بقا عشان ماما عامله حسابنا في الغدا هنتغدي و نروح رؤى ، تمام يا قلبي مع السلامه و سلميلي عليها كتير ساره ، بوصل يا روحي و مشت هب و ادم رؤى سرحت مع نفسها تفكر في ايه اللي هتعمله مع أسر و أن ايمان دي عرفت ازاي باللي حصل معاها أسر روح الفيلا وهو مخنوق مش عارف ليه هو بيعمل كده و قام متصل بآدم ادم ، ايوه يا أسر أسر ، ادم انا تعبان انا اوي انا ضيعت مني كل حاجه انا عايز اموت انا تعبت مش عارف انا عملت كده ازاي ادم ، طب انت فين دي الوقت يا اسر أسر ، انا في الفيلا و قفل مع ادم و اتصل برؤى رؤى ، ايوه يا أسر أسر ، سامحيني لو كنت سبب في حزنك يا رؤى سامحيني علي اني **رتك و انا مش حاسس بنفسي انا فعلا استاهل اني اتكره يا رؤى انا منفعش لا حبيب و لا زوج و لا حتي اب رؤى ، انت حبيبي و جوزي و اخويا و ابويا انا محبتش و لا هحب حد تاني غيرك أسر ، بعد كل اللي عملته فيكي رؤى ، انا كنت ضايعه من غيرك انت ربنا بعتك ليا تلحقني يا أسر من حاجه كنت هفضل عمرى كله موجوعه بسببها أسر ، انا بحبك اوي يا رؤى والله العظيم بحبك اوي رؤى ، أسر عارف نفسي في ايه أسر ، ايه رؤى ، نفسي احضنك اوي بجد وحشني حضنك اوي يا أسر أسر ، انتي رؤى اللي كنت عندها من ساعه و كانت مش طيقاني رؤى ، انا رؤى جديده و انت أسر جديد احنا الاتنين لازم نتغير يا أسر انا هستحملك و انت كمان استحملني مع انها صعبه شويه عليك بس نحاول عشان خاطر ادم ابننا و عشان نفسنا أسر ، عارفه انا كنت هعمل ايه دي الوقت قبل ما اكلمك و قولت اكلمك اودعك انا كنت هنتحر اقسم بالله رؤى ، مجنون هقول ايه يعني أسر ، والله العظيم انا فعلا بقيت مجنون بيكي ممكن تجهزي و اجي اخدك و تروحي معايا انا اول مره ابقا خايف من حاجه فعلا و الله خايف اموت و اسيبك رؤى ، بعد الشر عليك يا روحي و معدتش تقول كده تاني لو سمحت أن شاء الله هتعمل العمليه و تبقي احسن من الاول كمان اه بقولك تعالي عشان نروح أسر ، بجد يعني هتروحي معايا رؤى ، ماشي هغير هدومي و هغير لادم و استناك يا حبيبي أسر ، تمام انا جايلك حالا اهو سلام يا عمرى اللي لسه معشتهوش رؤى ، سلام يا حبيبي بكره بارت جديد انتظروني وياريت اعرف رايكم في التعليقات لانه يهمني جدا جدا جدا و التفاعل ياريت يزيد عن كده بليز ساعدوني روايتي توصل للكل احببت ضائعه الكاتبه اميره محمود البارت 21

Free reading for new users

Scan code to download app

App Store Google Play

Facebookexpand_more