20

2901 Words

صباح تاني يوم هنا ، ماما هو احمد مفيش حد بيطمنا عليه ليه ردت عليها ، يابنتي اكيد هيطمونونا دي الوقت الدكتور يجي يبص عليه و هيطمنا اهو الدكتور الدكتور وصل اهو هنا ، دكتور لو سمحت عايزه اطمن علي احمد ارجوك رد الدكتور ، هدخل اشوفه و اطمنك حالا متقلقيش هنا ، يارب خير يا دكتور الدكتور دخل لاحمد الدكتور ، اي ده الحمد لله ده احنا فوقنا اهو و بقينا احسن رد احمد ، الحمد لله هو ايه اللي حصل الدكتور ، مفيش شيلنا الطحال لانه كان اتدمر انا بلغت القسم و عملت محضر اكيد هيستجوبوك شويه كده عشان تاخد حقك من اللي عمل فيك كده احمد ، تفتكر اقدر اخد حقي تفتكر احمد الغلبان يقدر ياخد حقه من الكبار استحاله رد الدكتور ، مفيش حاجه اسمها كده انت معاك حق و محدش يقدر يجي على صاحب الحق اه بالحق في واحده بره هتموت عليك طول الليل قاعده تعيط عليك روحت و جيت و بردك لسه قاعده بتعيط بره شكلها بتحبك اوي علي فكره احمد ، مين دي رد الدكتور ، اسمها تقريبا هنا و مامتها بره سهرت معاها هنا بردك هي هتموت و تدخل هنا بس انت عارف لازم المريض يفوق الاول احمد ، قولهم مافاقش و حاول تخليهم يمشوا من هنا انا مش عايز اشوفهم رد الدكتور ، ليه كده دي هتموت عشانك بره و شكلها اصلا مش قادره تقف على رجليها احمد ، لو سمحت يا دكتور قولهم كده خليهم يمشوا الدكتور ، تمام انا خارج و هقولهم كده عن اذنك الدكتور خرج و قفل الباب هنا ،. فاق يا دكتور رد عليها ، لا هنا ، طب ليه مفقش هو حصله حاجه ارجوك قولي الحقيقه رد ، هو فاق بس ااا هنا ردت ، مش عايز يشوفني صح الدكتور ، عن اذنك و سابها و مشي هنا وقفت قدام ادم وقالت له ، عجبك كده يا ادم انت بالضبط عامل زي ما ربنا قال اتأمرون الناس بالبر و تنسون أنفسكم ادم ،. بس انا راجل و انا اللي هشيل المسؤوليه ساره مش فارقه معاها فلوس أو ممعهاش دي مش زى دي يا هنا ردت هنا ، هي هياها يا ادم متحللش لنفسك و تحرم لغيرك و سابته و دخلت لاحمد هنا دخلت و عينيها كلها دموع ووشها باهت من الحزن وقالت له ، انا اسفه يا احمد مش هقدر امشي و اسيبك مش هقدر اعيش من غيرك والله العظيم انا بحبك و هفضل لآخر عمرى احبك احمد ، بس انا مبحبكيش و امشي يا هنا ارجوكي ردت عليه ، ادم قال كل حاجه يا احمد ادم فهم غلط احمد رد عليها بكل جمود ، امشي يا هنا انا مش عايز اشوفك تاني انا مش عايزك في حياتي تاني ادم و مامته دخلو الغرفه ووقفوا قدام احمد ادم ، انا اسف يا احمد صدقني و الله غصب عني انا مش عارف ليه عملت كده صدقني و الله العظيم انا شيفك اخويا و ربنا يعلم انا بحبك انت و اخواتك ازاي احمد ، بتحبنا و اللا بتعطف علينا ما خلاص يا ادم باشا معدش ينفع كلام بعد اللي حصل و متخافش مش هبلغ عنك و لا هشتكيك قصاد وقفتك مع اختي ردت ام ادم ، احمد ابني غلط مش ع تصرفه معاك بس لا ده غلط أنه نسا اخلاقك و اخلاق اخواتك انتو من انضف الناس اللي انا شوفتها يا احمد رد احمد ، متشكر لحضرتك جدا بس انا قاطعته ام ادم وقالت ، انا هطلب منك طلب انت عايزه و انا بتمناه و في حد هنا كمان هيموت على الطلب ده احمد ، انا عارف الطلب يا طنط و جاوبت عليه انا مش هشتكي ادم باشا عن اللي حصل ردت ام هنا ، لا حقك اشتكيه و خد حقك كمان من اللي خلفوه عشان هو تطاول و عمل كده الطلب اللي عايزاه منك و ياريت متحرجنيش يا احمد انا بحبك زي ولادي بالضبط و بتمنا تكون ابني بجد انا مش هلاقي احسن منك و لا هلاقي حد يخاف علي بنتي اكتر منك فاايه رايك وراحت غمزاله بعينها لو طلبت ايدك لسما بنتي هنا بصدمه ، سما مين انتي بتقولي ايه يا ماما احمد ، انا موافق انا مش هزعلك يا طنط طلبك مجاب هنا ، و الله طلبها مجاب طب عن اذنكم انا هروح انام و ابعتلكم العروسه تيجي تقعد معاه انا قعدتي زى عدمها و خرجت بسرعه و روحت ام هنا ، ههههه طب و الله صعبت عليه هنا ليها معزيه في قلبي غير اخواتها هنا مبتكدبش و حساسه جدا و حاجه رقيقه كده و هاديه غير سما الله يهديها ويهدي الاستاذ اخوها رد ادم ، ماشي يا ماما شكرا يا حاجه ام هنا ، العفو و بردك لسه قلبي زعلان منك يا ادم عن اللي عملته رد احمد ، خلاص يا طنط انا فعلا لو كنت مكانه كنت هعمل زيه حصل خير ادم ، يعني مسامحني يا احمد رد عليه ، حصل خير يا ادم بيه انت اخويا و عمرى ما هزعل منك ام هنا ، مش بقولك متربين بجد الله يرحم اللي رباكوا احمد ، متشكر لحضرتك جدا ام ادم ، أن شاء الله تقوم بالسلامه و هنستناك انت و اخواتك تيجوا تشرفونا بس بردك مش عايزه هنا تعرف حاجه عايزاها علي عماها كده بص احنا نعمل كتب كتاب عالطول عشان تبقي احلي مفجأه انا عملتهالها رد احمد ، بس انا ظروفي لسه علي قدي و غير كده لسه مبنتش نفسي انا بدرس لسه و يادوب اللي هقبضه من شركه عم هنا هيعيشني بالعافيه ام هنا ، انا مش عايزه لبنتي حاجه غير أنها تبقي فرحانه و بس انتو هتعيشوا معانا في الفيلا و أما تبنوا نفسكم ابقوا اعملو اللي تعملوه مع بعض خلاص بقا مش عايزه كلام تاني في الموضوع ده تمام احمد ، بس انا مش هقدر قاطعته ، انا زى امك و ياريت متحرجنيش و تسمع كلامي يا احمد انا هروح لبنت المجنونه بقا احسن تعمل في نفسها حاجه و اخد شاور اصلي بايته هنا من امبارح و اخر النهار هاجي اطمن عليك باذن الله مش عايز حاجه يا حبيبي ادم ،. هو بقا حبيبك و انا اتنسيت كأني ما جيت احمد ، هههههه تسلمي يا طنط ام ادم ، اسمي ماما معدش في طنط دي و بالغيظه فيك يا سي ادم ادم ، وماله قولها يا ماما قول يا عم خلاص راحت علينا احمد رد وقاله ، هي امي و انت اخويا الكبير يا ادم باشا رد ادم ، بلاش باشا دي بقا ما بقينا نسايب و اخوات كمان انا خايف تطلع في الاخر انت و هنا راضعين ع بعض و الجوازه تبوظ و البنت تروح فيها ام هنا ، لا اطمن انا مرضعتش ولاد حد رد احمد ، علي فكره انا عندي 22سنه انا مش قد هنا انا اكبر منها بس كنت قعدت من الدراسه تلت سنين عشان كنت بشتغل و بصرف علي امي و اخواتي بس رؤى **مت تنزل تشتغل هي و انا اكمل دراستي عشان كنت بطلع من الاوائل فكانت م**مه اني اكمل و ابقا دكتور و انا وعدتها اني هعوضها عن كل حاجه اول ما اخلص جامعه ردت ام هنا ، ربنا يخليكو لبعض يا حبيبي و يحببكم في بعض كمان و كمان احمد ، متشكر لحضرتك بس ياللا معلش روحي لهنا عشان انا عارف جنانها كويس ام هنا ، ماشي يا حبيبي سلام وراحت خارجه مروحه ادم ، انا مش عارف اقولك ايه بس و الله العظيم انا بجد بحس انك انت وأخواتك من دمي فمتزعلش مني يا احمد رد احمد ، خلاص يا صاحبي ولا اي حاجه انا نسيت خلاص ياللا روح بقا شغلك انا بقيت كويس اهو خلاص رد ادم ، تمام خد موبايلك اخو بالحق رؤى و يوسف مبطلوش رن عليك كلمهم طمنهم عليك احمد ،. حد قالهم حاجه رد ادم ،. لا مقولتش حاجه عشان ميقلقوش عليك رد احمد ، تمام ماشي ادم ، انا ماشي بقا تمام احمد ، تمام مع السلامه ادم ، الله يسلمك يارب ///////////// في احد المطاعم المشهوره بالقاهره و بالتحديد المطعم الذي يعمل فيه يوسف سما ، يعني ايه يا نادر اللي بتقوله ده رد عليها بكل برود ، يعني زى ما قولتلك انا مش عاوزك خلاص كل شئ بنا انتهي انسيني بقا خلاص اللي بينا بح يا سما سما ردت عليه و هي مصدومه ، بح ازاي انا بعيد السنه بسببك انا اللي كنت بطلع دايما الأولي ضحيت و عطيتك ورق الاجابه بتاعي و انا اللي شيلت الليله و اخدت ورقك و ملحقتش احل حاجه انت ضيعتني و في الاخر بتقولي بح رد بكل برود ، انا ماشي الكلام ده ميهمنيش سما قامت وقفت وكلها شر وقامت بكل قوتها عطيته قلم ع وشه وقالت ده عشان تفتكرني كل ما تشوفني يا حيوان نادر شدها من شعرها و قام شددها ع بره المطعم يوسف شافهم رمي اللي في أيده وراح لنادر يوسف ، مش عيب تبقا راجل و تتشطر ع بنت نادر معبرش يوسف و كمل وهو شادد سما بره المطعم يوسف خرج وراه و اتصدم اول ما شاف سما سما قالت لنادر ، والله ما هرحمك يا نادر قصاد و سكتت اول ما شافت يوسف يوسف ، مش قولتلك عيب كده ومسك نادر بواني في وشه لحد مانزف من مناخيره و وقع في الأرض من الالم اغمى عليه يوسف راح لسما وبصلها وهو عنيه كلها شرار وقال ادخلي الحمام ظبطي نفسك وامشي سما بخوف ، انا متشكره يا يوسف عشان وقفتك جنبي يوسف قاطعها وقال ، انا وقفت جنب بنت سمحت لنفسها تخرج مع شاب ميسويش حاجه وقللت من شكلها و شكل عيلتها و سمحتله أنه يتطاول و يمد أيده عليها قدام الكل خلى كرامتها في الأرض انا وقفت جنبك و انا معرفش هو بيض*ب مين ع فكره انا مبحبش بس اشوف راجل بيمد أيده ع بنت عن اذنك سما ندهت عليه ، يوسف ارجوك محدش يعرف حاجه عن اللي حصل ده يوسف لف وبصلها و قال ، انا مشوفتكيش اصلا و سابها و دخل المطعم و هو مضايق أن اكتر واحده حبها ترخص نفسها كده صاحب المطعم ، ممكن اعرف ايه اللي حصل ده دى الوقت انت ايه حشرك يوسف قال ، والله يعني المفروض الاقي واحد بيهين بنت المفروض اني اسكت و لا كأن في حاجه رد عليه وقاله ، ده المفروض يا استاذ يوسف اتفضل ادخل غير هدومك و بالسلامه بره المطعم حالا انا مش عايز مشاكل للمطعم اتفضل بالسلامه ياللا يوسف رد وقاله ، فعلا الرجاله ماتت في الحرب اللي لسه ميجوش ربعهم رد وقاله ، امشي من هنا بقولك انت عارف اللي ض*بته ده هيعمل ايه دي الوقت اكيد هيجيب بلطجيه و هيجو ي**روا المطعم علي دماغنا ربنا ينتقم منك يالللا امشي غور من هنا يوسف ، تمام عن اذنك و دخل غير اليونيفورم و روح عالبيت ////////////// نرمين ، لازم يا رؤى تاكلي مينفعش تقعدي كل ده من غير اكل ردت عليها وقالت ، عايزه اطمن علي احمد قلبي وجعني اوي عليه نرمين سمعت الباب اتفتح قالت ، اهو ده اكيد احمد و خرجت جرى لقت يوسف في وشها نرمين ، ايه يا يوسف ايه اللي مرجعك بدرى كده من الشغل ده انت لسه ماشي من ساعه يوسف رد عليها و قال ، مرتحتش في الشغل كله أوامر و انا مبحبش كده ردت نرمين ، طب ما تفتح البوتيك بتاع رؤى عما تقوم بالسلامه رد عليها وقال ، ياريت و اهو هشتغل عند اختي مش عند حد غريب هي صحت ردت وقالت ، اه من زمان بس مش راضيه تاكل عشان احمد لسه مرجعش يوسف بصدمه ، هو لسه مرجعش ازاي و لا حتي اتصل ردت عليه ، اه متصلش و فونه كان مغلق يوسف ، اهو هرن عليه اهو يارب بس يرن اهو رن اخيرا الو ايوه يا احمد انت فين ومجتش ليه لسه رد وقاله ، انا لسه في المستشفي بقولك تعالي كده عايزك يا يوسف عشان صاحبي لسه تعبان اوي رد عليه وقاله ، طب عايزني ليه أنا مالي و مال صاحبك رد وقاله , معلش يا يوسف مش قادر لوحدي أصله مليان شويه تعالي انهارده و روح بليل ماشي رد يوسف ، خلاص ماشي هجيلك حالا بس خد كلم رؤى عشان مش راضيه تاكل عشانك يا عم احمد طب هاتها كده يا يوسف رؤى ، ايوه يا احمد انت فين يا قلبي رد عليها وقال ، انا مع صاحبي في المستشفي عامل عمليه و ملوش حد يقف معاه غيري ردت وقالت له ، ماشي يا حبيبي ربنا يجعلك تخدم الناس دائما يارب و تبقي احسن دكتور في الدنيا يا احمد رد عليها ،. الله يخليكي لينا يارب يا رؤى ياللا كلي بقا عشان تقفي ع رجليكي من تاني يا حبيبتي رؤى ، ماشي يا حبيبي خلي بالك من نفسك احمد رد عليها وقال ، ماشي يا روحي سلام ////////(((///7///// عند هنا ام هنا ، هنا افتحي الباب هتفضلي قفلاه كده كتير هنا ، عايزه ايه يا ماما ردت وقالت لها ، ياللا تعالي معايا انا رايحه اطمن ع احمد في المستشفي ردت هنا ، طب و انا مالي و ماله ردت وقالت لها ، مش هيبقي جوز اختك ياللا يا مجنونه هنا ، مليش دعوة بيه انا هنام يا ماما ردت و قالت لها ، يارب اموت لو مجتيش معايا يا هنا هنا ، يوووه ماشي يا ماما هغير هدومي و هاجي معاكي حالا ردت امها ، ماشي ياللا عما افتح الباب شكل سما جت وراحت فتحت الباب لسما وقالت لها ، بنت حلال تعالي معانا مشوار بسرعه هو انتي شكلك عامل كده ليه ردت سما وقالت ، مفيش كنت بلعب انا و زمايلي في الجامعه ردت امها ، بتلعبي في سنه رابعه و بتلعبي لاحظي انك بتعيدي السنه ردت عليها سما و قالت و هي بتعيط ، عارفه والله العظيم عارفه يا ماما ردت عليها امها وقالت ، بتعيطي ليه يا حبيبتي دي الوقت ما خلاص معدش حاجه و الامتحانات تبتدي وعايزه اشوف سما اللي بتطلع الاوائل الهاديه مش الشعنونه اللي مش طايقه حد ردت سما و قالت ، ماشي يا ماما و الله لهرجع و ابقا احسن من الاول كمان ردت امها وقالت ، ياريت يا حبيبتي ياللا خشي اغسلي وشك و تعالي معانا انا و هنا المستشفي لاحمد اخو رؤى عامل عمليه و انا رايحه اشوفه انا و هنا اه بالحق انا عامله مقلب في هنا احمد طلب أيدها و اول ما هيقوم بالسلامه هيخطبها و يكتبوا الكتاب المقلب بقا أنه عايزك انتي عايزه اعملهالها مفجأه سما ، ليه كده حرام عليكي يا ماما دي بتحبه اوي فاتها حزينه اوي عليه ردت امها وقالت ، لا عايزاه تحس بقيمته الكام يوم دول لحد كتب الكتاب ياللا بس ادخلي اجهزي عشان نروح نطمن عليه سما ، ماشي يا ماما ///////////////// في المستشفي يوسف بصدمه انت بتضحك عليه يا احمد في ايه عمليه ايه اللي انت عملها و ثم إن وشك ماله مين مد أيده عليك يا احمد في ايه رد عليه احمد بضحك ، هموت شكلك مسخره وانت خايف عليه كده هههههه رد يوسف وقاله ، مش وقت ضحك في ايه يا احمد رد عليه وقاله ، خناقه بين واحد صاحبي و بلطجيه كنت بخلص اض*بت شيلت الطحال فيها بس ده كل اللي حصل دخلت ام ادم و سما و هنا رد يوسف طب مقولتليش ليه و انا كنت جيتلك قسما بالله ماكنت سيبت واحد فيهم سليم ام ادم ، هما مين دول رد احمد ، دول البلطجيه اللي ض*بوني امبارح رد يوسف ، مكانهم فين تعرف اساميهم رد عليه و قسما بالله ما هسيبهم رد احمد و هو بيضحك ، أهدى يا بني مش كده خلاص المشكله خلصت خلاص يوسف ، لا مخلصتش يا احمد احسنلك قول مين دول ام ادم ، خلاص يا بني اتحلت امبارح و انا سامعه أن اخوك بردك قام بالواجب معاهم رد يوسف ، الكلام ده بجد يا احمد اخدت حقك بجد رد احمد ، ايوه اخدت حقي و مش اي حق ده حق زي القمر وراح باصص لسما عشان يغيظ هنا هنا نفخت بضيق وقالت ، مش احنا اطمنا عليه اهو خلاص بقا ياللا نروح يا ماما ردت امها ، ماتتهدي و تقفي بقا الله سما بصوت واطي ، حمدالله على السلامه يا احمد هنا بصتلها و هي بتزغر لها ، وده من أمتي ده أن شاء الله يوسف ، انا خارج اكلم محمد اخوك عشان اعرفه اني هبات معاك و هو ياخد باله بقا من اخواتك احمد ، طب وشغلك يا بني رد عليه وقاله ، متقلقش بقيت عواطلي اترفدت من الشغل الحمد لله سما عرفت انها السبب في رفده من شغله بصت في الأرض باحراج منه احمد ، طب ليه ايه اللي حصل رد يوسف و قاله ، عشان عملت فيها راجل و مقبلتش اهانه حد قدامي ياللا اهو احسن بكره هدور علي شغل تاني باذن الله وقام خرج بره عشان يكلم محمد سما ، ماما بعد اذنك هروح الحمام و جايه حالا عن اذنكم و خرجت ورا يوسف بسرعه سما ، انا اسفه يا يوسف عشان كنت أنا السبب في رفدك من شغلك يوسف لف و نزل الموبايل و بصلها وقال امم تمام ماشي سما ، يوسف ارجوك متزعلش مني انا الفتره اللي فاتت كنت مدمره بسبب الحيوان اللي انت شوفته انهارده ده كان سبب في يوسف قاطعها وقال ، مش عايز اعرف حاجه يا انسه سما ردت سما و قالت له ، ياااه للدرجه دي يا يوسف انا بقيت وحشه اوي كده عندك رد عليها وقال ، انتي لا وحشه و لا حلوه و لا يلزم اني اعرف عنك حاجه و عن اذنك بقا عايز اكلم محمد اخويا سما وقفت مصدومه من أسلوب احمد معاها و سابته و دخلت الحمام تغسل وشها و تفوق يوسف خلص كلام مع محمد وقفل السكه و دخل لاحمد و ملقاش سما استغرب و قال لنفسه هي راحت فين ممكن تكون روحت بيتها بس هتمشي و هي حزينه كده ازاي ده ممكن يحصلها حاجه في الطريق و فجأه لقاها داخله عليهم الاوضه و شكلها معيطه و غسله وشها بس عينيها وارمه من كتر العياط يوسف لنفسه هو انا لسه شاغل بالي بيها ليه مش كفايه كل اللي حصل ليه بسببها ياربي انا عنيا مش عارف اشيلها من عليها ليه يارب أهديها و اهديني بكره بارت جديد انتظروني وياريت اعرف رايكم في التعليقات لانه يهمني جدا جدا جدا و التفاعل ياريت يزيد عن كده بليز ساعدوني روايتي توصل للكل احببت ضائعه للكاتبه اميره محمود البارت العشرون

Free reading for new users

Scan code to download app

App Store Google Play

Facebookexpand_more