Kinaumagahan, muling nagtipon ang lahat sa boardroom. Akala ng mga representatives mula sa kabilang kumpanya ay humupa na ang galit ni Iridessa, pero nagkakamali sila. Pagpasok pa lang ni Iridessa, mas lalong bumigat ang atmospera. Bitbit niya ang kanyang tablet at isang folder, at ang paraan ng paglapag niya nito sa mesa ay sapat na para maputol ang anumang bulungan sa loob.
Mainit pa rin ang ulo ni Iridessa. Bukod sa kulang siya sa tulog, ang katahimikan pa rin ni Marcelito ang nagpapatindi sa kanyang iritasyon. Ang bawat segundo ng hindi nito pagpaparamdam ay parang apoy na sumisunog sa kanyang pasensya. Ramdam niya ang t***k ng ugat sa kanyang leeg, at ang hindi niya maipaliwanag na halo-halong emosyon—pag-aalala, pagtatampo, at matinding galit—ay tila sasabog na anumang oras.
"Sim
