NAKARATING kami sa Ilocos Sur ng 7PM. Sobrang sakit ng pang-upo ko sa byahe namin. Hindi alam ng mga kapatid ko na darating ako ngayon.
Sa Sta. Maria Ilocos Sur kasi ang lugar ko, medyo tago ang barangay namin at puro puno ang madadaanan at palayan.
Natagalan kami dahil may ginagawang kalsada kaya traffic. Pinapatulog nga ako ni Perseus kanina pero hindi ko ginawa dahil wala siyang kausap, baka kasi makatulog din siya.
"Malapit na tayo," sabi ko habang nakatingin sa labas ng bintana.
"Excited ka na?" Tanong sa 'kin ni Perseus.
"Oo. Kanina pa. Ano kaya magiging itsura nila Robert at Cali pagdating ko." Nakangiti kong sabi.
"Mas magugulat sila kapag nalaman nilang magkakaroon na sila ng pamangkin." Nakangiting sabi ni Perseus kaya inirapan ko siya. Masyadong excited eh. Kanina pa niya
