Mabigat ang loob ko at punong-puno ang isipan ko nang bumaba ako ng rooftop. Hindi ako nagpakita kina Ridge at Calix dahil pagkatapos kong marinig ang pag-aaway nila ay umalis na ako. Gulong-gulo ang isipan ko at napakadaming tanong na patuloy na pumapasok sa isipan ko. Bukod doon ay humahapdi din ang puso ko dahil sa katotohanan na natuklasan ko ngayong araw. Si Ate Maureen ang first love ni Ridge. At kahit dalawang taon nang wala si Ate ay nakikita at nararamdaman ko pa rin ang sakit sa mga mata ni Ridge. Alam ko na katulad ko ay hindi pa rin niya lubusang natatanggap ang pagkawala ni Ate. Kaya malaki ang galit niya kay Calix, dahil ito ang sinisisi niya kung bakit natuloy ang pagpapakamatay ni Ate Mau. Na tuluyang nasira ang pagkakaibigan nilang dalawa dahil sa pagkawala ni Ate.
Patulo
