“So, ayun na iyon? Dahil lang sa ilang ulit ninyong pagkikita noon kaya ka niya nagagawang bwisitin ng sobra ngayon?” tanong sa akin ni Kiara habang sabay kaming naglalakad sa loob ng isang mall.
Uwian na namin at bago umuwi ay nagpasya akong dumaan na muna dito sa mall para ipaayos ang salamin ko na nabasag nang dahil kay Ridge. Nang malaman naman ni Kiara iyon ay nag-insist siya na gusto niyang sumama sa akin dahil wala din naman daw siyang gagawin pagkauwi niya sa kanila. Nagpaalam ako kay Nanay na male-late ako ng uwi at kasama ko si Kiara ngayon. Masaya naman niya akong pinayagan at mabuti daw iyon na mayroon na akong nagiging kaibigan ngayon bukod kay Vernice. And speaking of her, hindi pa rin kami nakakapag-usap na dalawa.
Napahigit ako ng malalim na paghinga saka bahagyang humint
